୩ ଦିନ ବିରତି ପରେ ଆଜି ପୁଣି ସରଗରମ ହେବ ବିଧାନସଭା । ଆଜି ଗୃହରେ ଉଠିପାରେ ଆଳୁ ଦର ବୃଦ୍ଧି ପ୍ରସଙ୍ଗ । ଦର ବୃଦ୍ଧିକୁ ନେଇ ଗୃହ ସରଗରମ ହୋଇପାରେ । ବଜାରରେ ଆଳୁ ଦର କମିବାରେ ନା ଧରୁନାହିଁ । ଏ ପ୍ରସଙ୍ଗରେ ଆଜି ବିରୋଧୀ ସରକାରଙ୍କୁ ଘେରି ପାରନ୍ତି । ସେହିପରି ଧାନ କିଣାରେ ଅବ୍ୟବସ୍ଥାକୁ ନେଇ ଚାଷିଙ୍କ ଅସନ୍ତୋଷ ବଢିବାରେ ଲାଗିଛି।
ତେଣୁ ଧାନ କିଣା ପ୍ରସଙ୍ଗ ମଧ୍ଯ ଗୃହକୁ ସରଗରମ କରିପାରେ । ରାଜ୍ଯରେ ନାବାଳିକା ଓ ମହିଳା ମାନେ ଅସୁରକ୍ଷିତ ଓ ପୂର୍ବତଟ ରେଳବାଇରୁ ୱାଲଟିଅର ଡିଭିଜିନ ଅଲଗା କରିବା ପ୍ରସଙ୍ଗ ଉଠାଇ ସରକାରଙ୍କୁ ଗତ ଗୁରୁବାର ଦିନ ବିଧାନସଭାରେ ସରକାରଙ୍କୁ ଘେରିଥିଲେ ବିରୋଧୀ ।
ବିରୋଧୀଙ୍କ ପକ୍ଷରୁ ମୁଲତବି ପ୍ରସ୍ତାବ ଦିଆଯିବ। ୨୦୨୪-୨୫ ଆର୍ଥିକ ବର୍ଷର ଅତିରିକ୍ତ ବଜେଟ ଉପରେ ଆଲୋଚନା ହେବ। ପୂର୍ବରୁ ଅର୍ଥମନ୍ତ୍ରୀ ତଥା ମୁଖ୍ୟମନ୍ତ୍ରୀ ଗୃହରେ ଅତିରିକ୍ତ ବଜେଟ ଆଗତ କରିଥଲ।