ସ୍ତ୍ରୀକୁ ଗୁଳି ମାରିବା ଘଟଣା, ଘଟଣାସ୍ଥଳରେ ବଲାଙ୍ଗିର ସାଇଣ୍ଟିଫିକ ଦଳ କରିବେ ତଦନ୍ତ
ବଲାଙ୍ଗିର : ବଲାଙ୍ଗିର ଜିଲ୍ଲା ମୁରିବାହାଲ ଥାନା ଟେଙ୍ଗରା ଗାଁରେ ସ୍ତ୍ରୀକୁ ଗୁଳି ମାରିବା ଘଟଣାରେ କଣ୍ଟାବାଞ୍ଜି ଏସଡିପିଓ ପ୍ରତିକ୍ରିୟା ରଖିଛନ୍ତି । ଘଟଣାରେ ସଂପୃକ୍ତ ଥିବା ସ୍ୱାମୀ ସଦାରାମ ମଲ୍ଲିକକୁ ଗିରଫ କରାଯାଇଛି । ସ୍ୱାମୀର ଗୁଳିରେ ଗୁରୁତର ସ୍ତ୍ରୀଙ୍କ ଘଟଣାର ୯ ଦିନ ପରେ ଥାନାରେ ଏତଲା ଦେଇଥିଲେ । ଗିରଫ କରିବା ସହ ବନ୍ଧୁକକୁ ଜବତ କରାଯାଇଛି ।
ଗୁରୁତର ସ୍ତ୍ରୀ ବେଦମତିକୁ ଅଧିକ ଚିକିତ୍ସା ପାଇଁ ବଲାଙ୍ଗୀର ମେଡିକାଲ ପଠାଯାଇଛି। ବର୍ତ୍ତମାନ ମଧ୍ୟ ବେଦମତିଙ୍କ ଜଙ୍ଘରେ ଗୁଳି ରହିଛି। ଅନ୍ୟପଟେ ଘଟଣାର ତଦନ୍ତ ପ୍ରକ୍ରିୟାକୁ ମଧ୍ୟ ଅଧିକ କରାଯାଇଛି । ଘଟଣାସ୍ଥଳରେ କିଛି ସମୟ ପରେ ବଲାଙ୍ଗିର ସାଇଣ୍ଟିଫିକ ଦଳ ଆସି ତଦନ୍ତ କରିବେ ବୋଲି କହିଛନ୍ତି କଣ୍ଟାବାଞ୍ଜି ଏସଡିପିଓ ଗୌର ଚରଣ ସାହୁ ।
