ପୋଲ ଉପରେ ଝୁଲି ରହିଛି ମେଲୋଡି ପାର୍ଟି ଗାଡ଼ି, ଅଳ୍ପକେ ବର୍ତ୍ତିଲେ ୨୦ରୁ ଅଧିକ କଳାକାର

ବଲାଙ୍ଗିର: ବଲାଙ୍ଗିର ଜିଲ୍ଲା ପାଟଣାଗଡ଼ ଥାନା ପୋଡ଼ଛାପର ଛକ ନିକଟରେ ଛାତିଥରା ଦୁର୍ଘଟଣା । ପୋଲ ଉପରେ ଝୁଲି ରହିଛି ମେଲୋଡି ପାର୍ଟି ଗାଡ଼ି । ଅଳ୍ପକେ ବର୍ତ୍ତିଲେ ୨୦ରୁ ଅଧିକ କଳାକାର ।

ସୂଚନା ଅନୁସାରେ ଆଜି ଭୋର ୩ଟା ସମୟରେ କଳାକାରମାନେ ପଦ୍ମପୁରରୁ ପୋଗ୍ରାମ ସାରି କଳାହାଣ୍ଡି ଜିଲ୍ଲା ଉତ୍କେଲା ଫେରୁଥିଲେ ।  ଏହି ସମୟରେ ପାଟଣାଗଡ଼-ବେଲପଡା ରାସ୍ତାର ପୋଡ଼ଛାପର ଗାଁ ନିକଟରେ ଭାରସାମ୍ୟ ହରାଇ ଗାଡ଼ିଟି ପୋଲ ଉପରକୁ ଚଢିଯାଇଥିଲା । ପରେ ଗାଡ଼ିଟି ପୋଲ ଉପରେ ଝୁଲି ରହିଥିଲା । ଗାଡ଼ିରେ ଥିବା ୨୦ରୁ ଅଧିକ କଳାକାର ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଥିଲେ । ଦୁର୍ଘଟଣାରେ କେହି ମୃତାହତ ହୋଇ ନଥିଲେ । କହୁଡି ଯୋଗୁ ଏହି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି ।