ଛୁଆକୁ ଫିଙ୍ଗି ନଦୀକୁ ଡେଇଁଲା ମା’, ପୁଅ ମୃତ
ସାଲେପୁର: ଛୁଆକୁ ଫିଙ୍ଗିବା ପରେ ନଈକୁ ଡେଇଁପଡ଼ିଲା ମାଆ । ନାବାଳକ ପୁଅ ମୃତ । ମାଆକୁ ଏବେ ଓଡ୍ରାଫ ଟିମ ପକ୍ଷରୁ ଖୋଜାଖୋଜି ଚାଲିଛି। କଟକ ଜିଲ୍ଲା ନେମାଳରେ ଘଟିଛି ଏହି ଅଭାବନୀୟ ଘଟଣା । ଦୁଇ ନାବାଳକ ପୁଅ ଝିଅଙ୍କୁ ଧରି ମାଆ ସୁହାନ ପରବିନ ହଠାତ ନେମାଳ ଚିତ୍ରୋତ୍ପଳା ନଦୀ ପାଖକୁ ଆସିଥିଲେ। ପ୍ରଥମେ ପୁଅକୁ ନଦୀକୁ ଫିଙ୍ଗିବା ପରେ ସେ ନିଜେ ନଦୀକୁ ଡେଇଁ ପଡ଼ିଥିଲେ । ତେବେ ଝିଅକୁ ନଈକୁ ଡେଇଁବାରୁ ସ୍ଥାନୀୟ ଲୋକ ଅଟକାଇଥିଲେ । ମୃତ ନାବାଳକର ନାଁ ସେକ ତାୟର ଉଦ୍ଦିନ। ତେବେ ଗ୍ରୁପ ଲୋନ କରିବା ଯୋଗୁ ସୁହାନ ପରବିନ ଚିନ୍ତିତ ଥିଲେ ବୋଲି ପରିବାର ଲୋକ କହିଛନ୍ତି । .
ସୂଚନା ଅନୁସାରେ ଅଗଷ୍ଟ ୩ ରେ ଚିତ୍ରୋତ୍ପଳା ନଦୀକୁ ଡେଇଁପଡିଥିଲେ ଯୁବକ । ଚିତ୍ରୋତ୍ପଳା ନଦୀକୁ ଡେଇଁ ଯୁବକ ଜଣଙ୍କ ନିଖୋଜ ହୋଇଯାଇଥିଲେ । ପୋଲ ଉପରେ ତାଙ୍କ ଚପଲ ରହିଥିଲା । ସ୍ଥାନୀୟ ଲୋକ ଦେଖି ଅଗ୍ନିଶମ ବାହିନୀକୁ ଖବର ଦେଇଥିଲେ। ଅଗ୍ନିଶମ ବାହିନୀ ନଦୀରେ ନୀଳମଣିଙ୍କୁ ଦୀର୍ଘ ସମୟ ଧରି ଖୋଜିଥିଲେ । କିନ୍ତୁ ତାଙ୍କ ପତ୍ତା ମିଳିନଥିଲା ।
