ଲଗାଣ ବର୍ଷା ଯୋଗୁଁ ଭୁଶୁଡି ପଡିଲା ଫାପୁଡିଆ ପୋଲ : ଯାତାୟାତ ଠପ୍
ଆନନ୍ଦପୁର (କେନ୍ୟୁଜ): ଭୁଶୁଡି ପଡିଛି ଫାପୁଡିଆ ପୋଲ । ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ଭୁଶୁଡି ପଡିଛି ପୋଲ । ଆନନ୍ଦପୁର ଉପଖଣ୍ଡର ସରେଇଁ ରାସ୍ତାର ଫାପୁଡିଆ ନାଳ ଉପରେ ଥିବା ପୋଲଟି ଭୁଶୁଡି ପଡି ଯାତାୟତ ଠପ୍ ହୋଇଯାଇଛି । ଶାଳପଡାଠାରୁ ସରେଇଁ ରାସ୍ତା ଦେଇ ପ୍ରତିଦିନ ଶହ ଶହ ଲୋକେ ଯାତାୟତ କରନ୍ତି । ପ୍ରତି ବର୍ଷ ସାମାନ୍ୟ ବର୍ଷାରେ ଏହି ପୋଲଟି ଭୁଶୁଡି ପଡିଥାଏ ।
ମରାମତି ପାଇଁ ପୂର୍ତ୍ତ ବିଭାଗ ପକ୍ଷରୁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ମଧ୍ୟ କରାଯାଏ । ତଥାପି ଭଲ ପୋଲଟିଏ ନିର୍ମାଣ ହୋଇପାରିନଥିବା ଅଞ୍ଚଳବାସୀ ଅଭିଯୋଗ କରିଛନ୍ତି । ଏଠାରେ ଏକ ସ୍ଥାୟୀ ପୋଲ ନିର୍ମାଣ ପାଇଁ ସ୍ଥାନୀୟ ବାସିନ୍ଦା ଦାବି କରିଛନ୍ତି ।
