ହଜିଗଲା ମାନବିକତା, ଜୀବନ ହାରିଥିବା ଯୁବକଙ୍କ ଘରୁ ଟଙ୍କା ଲୁଟିନେଲେ ଦୁର୍ବୁତ୍ତ
ଆନନ୍ଦପୁର : ହଜିଗଲା ମାନବିକତା । ଏଭଳି ଏକ ଦୁଃଖଦ ଘଟଣା ଘଟିଛି କେଉଁଝର ଜିଲ୍ଲା ଆନନ୍ଦପୁରରେ । ଜୀବନ ହାରିଦେଇଥିବା ଯୁବକଙ୍କ ଘରେ କଳାକନା ବୁଲାଇ ଦେଉଛନ୍ତି ଲୁଟେରା । ସୂଚନା ଅନୁସାରେ ହାତ ଉଧାର କରି ଏକ ୧୨ ଚକିଆ ଟ୍ରକ କିଣିଥିଲେ ରାମଚନ୍ଦ୍ରପୁର ଥାନା ଅଳତୀ ଗାଁର କବିନ୍ଦ୍ର ସାହୁ । ଗାଡି ଠିକଠାକ ନଚାଲିବାରୁ ରୂଣଭାର ବଢିଚାଲିଲା, ଫଳରେ ରୂଣ ଭାର ସହିନପାରି ଜୀବନ ହାରି ଦେଇଥିଲେ କବିନ୍ଦ୍ର । ପରିବାର ଲୋକ ଝୁଲନ୍ତା ଅବସ୍ଥାରେ ମୃତ ଦେହକୁ ଉଦ୍ଧାର କରି ସାଇଁକୁଳ ଗୋଷ୍ଠି ସ୍ବାସ୍ଥ୍ଯକେନ୍ଦ୍ରରେ ଭର୍ତ୍ତି କରିଥିଲେ ।
ଡାକ୍ତର ସେଠାରେ ମୃତ ଘୋଷଣା କରିବା ପରେ ରାମଚନ୍ଦ୍ରପୁର ପୋଲିସ ପହଞ୍ଚି ଶବ ଜବତ କରି ଏକ ଅପମୃ ତ୍ଯୁ ମାମଲା ରୁଜୁ ହୋଇଛି । ଶବ ବ୍ୟବଛେଦ ପାଇଁ ଆନନ୍ଦପୁର ଉପଖଣ୍ତ ଚିକିତ୍ସାଳୟକୁ ପଠାଇ ଦେଇଥିଲା । ଏତିକିରେ ଦୁଃଖ ସରି ନଥିଲା ଗୋଟିଏ ପଟେ ସ୍ୱାମୀର ମୃତ୍ୟୁ ଦୁଃଖ ଅନ୍ୟପଟେ ସେହି ସମୟରେ ଘରୁ କେହି ଦୁର୍ବୁତ୍ତ ସମସ୍ତ ଟଙ୍କା ଚୋରି କରିନେବା ଘଟଣା ପରିବାରର ମେରୁଦଣ୍ଡକୁ ଭାଙ୍ଗି ଦେଇଛି । ପରିବାର ଲୋକ ଘରେ ତାଲା ମାରି ଶବ ବ୍ଯବଛେଦ କରିବାକୁ ଡାକ୍ତରଖାନାରେ ଅପେକ୍ଷା କରିଥିବାର ସୁଯୋଗ ନେଇ କେହି ଦୁର୍ବୁତ୍ତ ଘରର ତାଲା ଭାଙ୍ଗି ଆଲମିରାରୁ ୬୦ ହଜାର ଟଙ୍କା ଲୁଟି ନେଇଛି ।
