ରାଉରକେଲା: ଗାଧୋଇବାକୁ ଯାଇ କୋଏଲ ନଦୀରେ ବୁଡ଼ିଗଲେ ଛାତ୍ର

ରାଉରକେଲା: ନଦୀରେ ବୁଡ଼ି ଛାତ୍ର ନିଖୋଜ । ରାଉରକେଲା ସହରର ହମିରପୁର ଘାଟରେ ଗାଧୋଇବା ବେଳେ ଅଘଟଣ । କୋଏଲ ନଦୀରେ ଭାସିଯାଇ ପଞ୍ଚମ ଶ୍ରେଣୀ ଛାତ୍ର ପ୍ରତୀକ ବଡାଇକ ନିଖୋଜ ଅଛନ୍ତି । ସେକ୍ଟର -୨୦ ପମ୍ପ ହାଉସ୍ ନିକଟରେ ରହୁଥିବା ପ୍ରତୀକ ୪ ଜଣ ସାଙ୍ଗଙ୍କ ସହ ଗାଧୋଇବାକୁ ଯାଇଥିଲେ । ସେଠାରେ ଅସାବଧାନତା ଯୋଗୁ ନଦୀ ସ୍ରୋତରେ ଭାସିଯାଇଥିଲେ । ତାଙ୍କର ଦୁଇ ଜଣ ସାଙ୍ଗ ବଞ୍ଚାଇବାକୁ ଯାଇ ସେମାନେ ମଧ୍ୟ ଭାସିଯାଇଥିଲେ । ଚିତ୍କାର ଶୁଣି ନଦୀରେ ମାଛ ଧରୁଥିବା ସ୍ଥାନୀୟ ବାସିନ୍ଦା ଦୁଇ ଜଣଙ୍କୁ ଉଦ୍ଧାର କରିଥିଲେ କିନ୍ତୁ ପ୍ରତୀକଙ୍କୁ ଉଦ୍ଧାର କରିପାରିନଥିଲେ । ଘଟଣାସ୍ଥଳରେ ଉଦ୍ଧାର କାର୍ଯ୍ୟରେ ଓଡ୍ରାଫ୍ ଓ ଅଗ୍ନିଶମ ବାହୀନିର ବହୁ ଖୋଜାଖୋଜିରେ ସାମିଲ ହୋଇଥିଲେ । ସୂର୍ଯ୍ୟାସ୍ତ ହୋଇଯିବାରୁ ଉଦ୍ଧାର କାର୍ଯ୍ୟକୁ ବନ୍ଦ କରି ଆସନ୍ତା କାଲି ଉଦ୍ଧାର କାର୍ଯ୍ୟ ଆରମ୍ଭ କରାଯିବ ।