ବଡ଼ଗଡ଼ (କେନ୍ୟୁଜ): ପୂର୍ବ ଶତ୍ରୁତାରୁ ହତ୍ୟାକାଣ୍ତ । ଯୁବକଙ୍କୁ ପିଟିପିଟି ହତ୍ୟା । ବଡ଼ଗଡ଼ ଥାନା ରୁଗୁମା ପଞ୍ଚାୟତ ଶୁଣ୍ଢିପଲ୍ଲୀ ଗାଁରେ ହତ୍ୟାକାଣ୍ଡ। ଗତକାଲି ରାତିରେ ମିଟୁ ବିଶୋୟୀ ଓ କାଳୁ ନାୟକଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ କାଳୁ ନାୟକ ମିଟୁଙ୍କୁ ଠେଙ୍ଗାରେ ଆକ୍ରମଣ କରିଥିଲେ । ଆକ୍ରମଣ କରିବା ପରେ ଘଟଣାସ୍ଥଳରୁ ଚମ୍ପଟ ମାରିଥିଲେ କାଳୁ । ସ୍ଥାନୀୟ ଲୋକେ ମିଟୁଙ୍କୁ ଉଦ୍ଧାର କରି ଆସ୍କା ମେଡ଼ିକାଲରେ ଭର୍ତି କରିଥିଲେ । ଆଜି ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ବଡ଼ଗଡ଼ ପୋଲିସ ଘଟଣା ସ୍ଥଳରେ ଅଭିଯୁକ୍ତଙ୍କୁ ଗିରଫ କରିବା ସହ ତଦନ୍ତ ଚାଲୁ ରଖିଛି ।
ସେହିପରି ଗତକାଲି ବାଲେଶ୍ବର ଶିଳ୍ପାଞ୍ଚଳ ଥାନା ସୁତେଇବଡଗାଁରେ ଗୁଳିକାଣ୍ଡ ହୋଇଥିଲା । ଚୋରା କାଠ ବ୍ୟବସାୟକୁ ନେଇ ପୂର୍ବ ଶତ୍ରୁତାରୁ ଗୁଳିକାଣ୍ଡ ହୋଇଥିବା ସୂଚନା ମିଳିଥିଲା । ସେକ୍ ଜସିନ୍ ନାମକ ଯୁବକଙ୍କୁ ଗୁଳିମାଡ଼ ହୋଇଥିଲା । ତାଙ୍କ ଛାତି ଓ ତଳି ପେଟରେ ବାଜିଥିଲା ଗୁଳି। ସେହି ଗାଁର ସଞ୍ଜୟ ସିଂ ବିହାରୀ ଓ ତାର ଦୁଇ ସହଯୋଗୀ ଅତି ନିକଟରୁ ଗୁଳି ମାରିଥିବା ଅଭିଯୋଗ ହୋଇଥିଲା ।