ରାଜଧାନୀ ଡବଲ ମର୍ଡର ଘଟଣାରେ ୨ ଗିରଫ, ଆଜି ହେବ ସିନ୍ ରିକ୍ରିଏସନ୍
ଭୁବନେଶ୍ୱର : ରାଜଧାନୀ ଡବଲ ମର୍ଡର ଘଟଣାରେ ୨ ଗିରଫ । ଆଜି ହେବ ସିନ୍ ରିକ୍ରିଏସନ୍ । ଏହି ଘଟଣାରେ ଗୋଟିଏ ଗାଡ଼ିକୁ ମଧ୍ୟ ଜବତ କରିଛି ସ୍ପେଶାଲ ସ୍କ୍ବାଡ୍ । ଗତ ବୁଧବାର ଗାଡ଼ି ପାର୍କିଂକୁ କେନ୍ଦ୍ର କରି ଦୁଇ ଜଣ ଯୁବକଙ୍କୁ ସଂଘବଦ୍ଧ ଆକ୍ରମଣ କରାଯାଇ ହତ୍ୟା କରାଯାଇଥିଲା । ଏୟାରଫିଲ୍ଡ ଥାନା ଅନ୍ତର୍ଗତ ହାଇଟେକ୍ ଆପାର୍ଟମେଣ୍ଟ ନିକଟ କଲ୍ୟାଣୀ ପ୍ଲାଜା ନିକଟରେ ଏହି ହତ୍ୟାକାଣ୍ଡ ଘଟିଥିଲା । ମୃତ ଯୁବକ ଦୁଇ ଜଣ ହେଲେ ରଶ୍ମିରଂଜନ ସେଠୀ (ଜିତୁ) ଓ ତାଙ୍କ ବନ୍ଧୁ ସମ୍ବିତ ରାଉତ (ଜୁଲୁ) ।
ସୂଚନା ଅନୁସାରେ ରଶ୍ମି ଓ ସମ୍ବିତ ସ୍ଥାନୀୟ ଅଂଚଳର ଏକ କୋଠାଘରେ ରହୁଥିଲେ। ଉଭୟଙ୍କ ଚିକେନ ଦୋକାନ ରହିଛି। ବୁଧବାର ରାତିରେ ଗଣେଷ ମଲ୍ଲିକ ଓ ତା ସହଯୋଗୀଙ୍କ ସହ ଦୁଇ ସାଙ୍ଗଙ୍କ ଗାଡି ପାର୍କିଂକୁ ନେଇ ବଚସା ହୋଇଥିଲା । କାମ ସାରି ଦୋକାନ ବନ୍ଦ କରି ଘରକୁ ଫେରୁଥିବା ବେଳେ ଗଣେଷ ଓ ତା ସହଯୋଗୀ ଉଭୟଙ୍କୁ ଚାପଡରେ ହାଣି ହତ୍ୟା କରିଥିଲା । ଖବର ପାଇ ଡିସିପି ପ୍ରତୀକ ସିଂ ଓ ପୋଲିସ ଟିମ୍ ସେଠାରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିଲେ। ହତ୍ୟାକାରୀଙ୍କୁ ଧରିବା ପାଇଁ ଏୟାରଫିଲଡ ଥାନା ପୋଲିସ ତଦନ୍ତ ଚଳାଇଥିଲା । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଲାଗି ରହିଥିବାରୁ ସେଠାରେ ପୋଲିସ ପାଟ୍ରୋଲିଂକୁ କଡ଼ାକଡ଼ି କରାଯିବା ସହ ଫୋର୍ସ ମୁତୟନ କରାଯାଇଛି।
