ବ୍ରହ୍ମପୁର : କବାଟ ଭାଙ୍ଗି ସୁନା ଅଳଙ୍କାର ଓ ଟଙ୍କା ଲୁଟିଲେ ଦୁର୍ବୃତ୍ତ

ବ୍ରହ୍ମପୁର (କେନ୍ୟୁଜ୍): ବ୍ରହ୍ମପୁର ସହରର ଅନନ୍ତ ନଗର ପଞ୍ଚମ ଲାଇନ ଅଞ୍ଚଳରେ ଜଣେ ବ୍ୟକ୍ତିଙ୍କ ଘରୁ ଚୋରି ହୋଇଥିବା ଅଭିଯୋଗ ହୋଇଛି । ଦଣ୍ଡାସୀ ପାତ୍ର ନାମକ ଜଣଙ୍କ ଘରୁ ଗତକାଲି ସଂଧ୍ୟାରେ ଚୋର ମାନେ କବାଟ ଭାଙ୍ଗି ଘରେ ଭିତରେ ପଶି ଲୁଟ ପାଟ କରି ଫେରାର ହୋଇଯାଇଛନ୍ତି । ଘରୁ ସୁନା ଅଳଙ୍କାର ଓ ନଗଦ ୩ ଲକ୍ଷ ଟଙ୍କା ଲୁଟି ନେଇଥିବା ବେଳେ ଘରର ଆସବାବପତ୍ର ଓ ଆଲମିରା ଭଙ୍ଗାରୁଜା କରିଛନ୍ତି । ଗତକାଲି ଘର ଲୋକେ ଅନୁପସ୍ଥିତ ଥିବାର ସୁଯୋଗ ପାଇ ଏହି ଚୋରି କରିଥିଲେ । ତେବେ ଘରେ ଲୋକେ ରାତିରେ ଘରକୁ ଆସିବା ପରେ ଚୋରି ସମ୍ପର୍କରେ ଜାଣିବାକୁ ପାଇଥିଲେ ।

ଏନେଇ ବୈଦ୍ୟନାଥପୁର ଥାନା ପୋଲିସକୁ ଖବର ଦିଆଯାଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ଆଜି ସକାଳୁ ସାଇଣ୍ଟିଫିକ୍ ଟିମ୍ ଓ ସନ୍ଧାନୀ କୁକୁର ସାହାଯ୍ୟରେ ତଦନ୍ତ କରାଯାଇଛି । ଯେହେତୁ ଏହି ଅଞ୍ଚଳ ସବୁବେଳ ଜନ ଗହଳିପୂର୍ଣ୍ଣ ରହିଥାଏ ତଥାପି ରାତି ୮ଟା ବେଳେ କୌଶଳ କ୍ରମେ କିପରି ଚୋରମାନେ ଏହି କାଣ୍ଡ ଭିଆଇଲେ ଏହା ସାଧାରଣରେ ଚର୍ଚ୍ଚାର ବିଷୟ ପାଲଟିଛି । ପୋଲିସ ଦଦନ୍ତ କରି ଅତିଶୀଘ୍ର ଚୋରଙ୍କୁ ଧରାଯିବ ବୋଲି ସୂଚନା ଦେଇଛି ।