ସୁନା ଦୋକାନରୁ ମୁଦି ନେଇ ଯୁବକ ଫେରାର…
ସମ୍ବଲପୁର: ସମ୍ବଲପୁର ଜିଲ୍ଲା ଧନୁପାଲି ଥାନା ଅନ୍ତର୍ଗତ ଗୋବିନ୍ଦତଲା ନିକଟରେ ଥିବା ଏକ ସୁନା ଦୋକାନରୁ ଜଣେ ଯୁବକ ଗୋଟିଏ ସୁନା ମୁଦି ନେଇ ଫେରାର ହେଇଯାଇଥିବା ଘଟଣା ସାମ୍ନାକୁ ଆସିଛି । ମିଳିଥିବା ସୂଚନା ଅନୁସାରେ ଗତକାଲି ଜଣେ ଯୁବକ ପ୍ରାୟ ୨ଟା ସମୟରେ ଗୋବିନ୍ଦତଲା ଠାରେ ଥିବା ଏକ ସୁନା ଦୋକାନକୁ କିଛି ଗହଣା କିଣିବା ବାହାନାରେ ଆସିଥିଲା । ସୁନା ଦୋକାନୀ କର୍ମଚାରୀ ତାଙ୍କୁ ଗହଣା ଦେଖାଉଥିବା ସମୟରେ ଅତି ଚତୁରତାର ସହ ଗୋଟିଏ ମୁଦି ନିଜ ପେଣ୍ଟ ପକେଟରେ ଯୁବକ ଜଣକ ଭର୍ତି କରି ଦେଇଥିଲା ।
ଏହା ପରେ କିଛି ପସନ୍ଦ ଆସୁନାହିଁ କହି ସେଠାରୁ ଆରାମରେ ଚାଲିଯାଇଥିଲା । ହେଲେ ଏ ସମସ୍ତ ଘାଟଣା ସିସିଟିଭିରେ ରେକର୍ଡ ହୋଇଯାଇଥିଲା । ସିସିଟିଭିର ସମସ୍ତ ଦୃଶ୍ୟ ଦୋକାନ ମାଲିକ ଦେଖିବା ପରେ ଦୋକାନ ମାଲିକ ଧନୁପାଲି ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ଏହା ସହ ଦୋକାନ ମାଲିକ ଏହି ଚୋରର ଫୋଟୋ ଭାଇରଲ କରିବା ସହ ଯୁବକର ଯିଏ ପରିଚୟ ଦେବ ତାକୁ ୧୦ହଜ଼ାର ଟଙ୍କା ପୁରସ୍କାର ଦିଆଯିବ ବୋଲି ଘୋଷଣା କରିଛନ୍ତି । ଧନୁପାଲି ପୋଲିସ୍ ସିସିଟିଭି ଆଧାରରେ ଅଭିଯୁକ୍ତକୁ ଧରିବା ପାଇଁ ଚେଷ୍ଟା ଜାରି ରଖିଛି ।
