ବାରିପଦା: ବାରିପଦାରେ ମାଇହାତୀ ମୃତ ଦେହ ମିଳିବା ଘଟଣାରେ ୩ ଭାଇ ଗିରଫ ହୋଇଛନ୍ତି । ଦୁଇ ଦିନ ତଳେ ରାସ ଗୋବିନ୍ଦପୁର ରେଞ୍ଜ ନାକିଚୁଆଁ ଗ୍ରାମରେ ଏକ ମାଇ ହାତୀର ମୃତଦେହ ମିଳିଥିଲା । ଏହି ଘଟଣାର ପର୍ଦ୍ଦାଫାସ କରିଛି ବନ ବିଭାଗ । ଏନେଇ ୩ ଜଣ ଭାଇଙ୍କୁ ଗିରଫ କରିଛି ବନ ବିଭାଗ ।
ହାତୀ ଘରେ ପଶିବା ଭୟରେ ଲୁହା ତାର ବାଡରେ କରେଣ୍ଟ ଲଗାଇଥିଲେ । ଯାହା ଫଳରେ ବିଦ୍ୟୁତ ସଂସ୍ପର୍ଶରେ ଆସି ଘଟଣା ସ୍ଥଳରେ ମାଇଁହାତୀର ମୃତ୍ୟୁ ହୋଇଥିଲା । ବାରିପଦା ବନଖଣ୍ଡ ଓ ଭୁବନେଶ୍ୱର ରୁ ଆସିଥିବା ଏକ ଟିମ ଘଟଣାର ତଦନ୍ତ କରିଥିଲେ । ତଦନ୍ତ ପରେ ଏହି ତିନି ଅଭିଯୁକ୍ତଙ୍କୁ ଗିରଫ କରାଯାଇଛି । ହାତୀ ଘର ଉପରେ ଆକ୍ରମଣ କରିବ ବୋଲି ଆଶଙ୍କା କରି ରାତିରେ ସେମାନଙ୍କ ଘର ଚାରିପଟେ ବିଦ୍ୟୁତ ସଂଯୋଗ କରିଥିଲେ ତିନି ଭାଇ ।
