ପୂଜା ବଜାରକୁ ଫିକା କଲା ତିତ୍‌ଲି , ଲଗାଣ ବର୍ଷାରେ ଧୋଇଯାଇଛି ତୋରଣ

ଭୁବନେଶ୍ବର : ପୂଜା ବଜାରେ ମାନ୍ଦାବସ୍ଥା । ତିତଲିର ପ୍ରଭାବରେ ଲଗାଣ ବର୍ଷା ଯୋଗୁଁ ଚିନ୍ତାରେ ରାଜଧାନୀର ବିଭିନ୍ନ ପୂଜା କମିଟି । ପୂଜା ପାଇଁ ପ୍ରସ୍ତୁତି ଶେଷ ପର୍ଯ୍ଯାୟରେ ପହଁଞ୍ଚିଥିଲା । ଲଗାଣ ବର୍ଷା ପରେ ସବୁକିଛି ଧୋଇ ଛାରଖାର ହୋଇ ଯାଇଛି । ଝାରପଡା ପୂଜା କମିଟି ପକ୍ଷରୁ ଚଳିତ ବର୍ଷ ରାଜସ୍ଥାନ ପ୍ୟାଲେସର ତୋରଣ ପ୍ରସ୍ତୁତ କରାଯାଇଥିଲା । ରଶୁଲଗଡ ପୁଜା କମିଟି ପକ୍ଷରୁ ନିଆରା ତୋରଣ କରାଯାଇଥିଲା । ଆଉ ବର୍ଷା ପରେ ଏବେ ସବୁକିଛି ଧୋଇଯାଇଛି ।

ସେପଟେ ଦୋକାନ ବଜାର ବି ଫାଙ୍ଗା ପଡିଛି । ଲୁଗା ଦୋକାନ ଠାରୁ ଆରମ୍ଭ କରି ବିଭିନ୍ନ ଦୋକାନରେ ଗହଳି ଦେଖିବାକୁ ମିଳୁନି । ତେଣୁ ଚଳିତ ବର୍ଷ ପୂଜା ବଜାରରେ ବେପାର ଆଶା କମ୍‌ ବୋଲି କହିଛନ୍ତି ବିଭିନ୍ନ ବ୍ୟବସାୟୀ । ଶାନ୍ତି ଶୃଙ୍ଖଳାରେ ସାରା ରାଜ୍ୟରେ ପୂଜା ପାଳନ ଉପରେ ଗୁରୁତ୍ୱ ଦେଇଛନ୍ତି ପୋଲିସ ଡିଜି । ଏନେଇ ସମସ୍ତ ଜିଲ୍ଳାର ଏସପି ମାନଙ୍କ ସହ ଆଲୋଚନା କରିଥିବା ସୂଚନା ଦେଇଛନ୍ତି ପୋଲିସ ଡିଜି ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା । ଆଉ କେଇଟା ଦିନ ପରେ ସରଗରମ ହୋଇଥାନ୍ତା ପୂଜା ମାହୋଲ୍‌ । ହେଲେ ତିତଲି ସବୁକିଛିକୁ ଫିକା ପକାଇଦେଳା ।