ରାଜ୍ୟରେ ୩ ପ୍ରତିଶତ ତଳକୁ ଖସିଲା କରୋନା ଦୈନିକ ସଂକ୍ରମଣ, ୨୪ ଘଣ୍ଟାରେ ୨ହଜାର ୨୮୨ ନୂଆ ପଜିଟିଭ୍ ଚିହ୍ନଟ
କେନ୍ୟୁଜ୍(ବ୍ୟୁରୋ): ରାଜ୍ୟରେ ୩ ପ୍ରତିଶତ ତଳକୁ ଖସିଲା କରୋନା ଦୈନିକ ସଂକ୍ରମଣ। ଗତ ୨୪ ଘଣ୍ଟାରେ ୨ହଜାର ୨୮୨ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି । ଆଉ ୬୫ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି। ଆଜି ପଜିଟିଭିଟି ରେଟ୍ ରହିଛି ୨.୯୦ ପ୍ରତିଶତ । ଯାହାକି ଗତକାଲି ୩. ୦୮ ପ୍ରତିଶତ । ୨୪ ଘଣ୍ଟାରେ ୭୮ ହଜାର ୪୬୬ ଟେଷ୍ଟିଂ ହୋଇଥିଲା । ଟପ୍ ୫ ଜିଲ୍ଲାରେ ରହିଛି ଖୋର୍ଦ୍ଧା, କଟକ, ବାଲେଶ୍ୱର, ମୟୂରଭଞ୍ଜ ଓ ପୁରୀ। ଖୋର୍ଦ୍ଧାରୁ ସର୍ବାଧିକ ୫୯୨ ପଜିଟିଭ୍ ବାହାରିଛନ୍ତି ।
କଟକରୁ ୨୮୯, ବାଲେଶ୍ୱରରୁ ୧୪୬, ମୟୂରଭଞ୍ଜରୁ ୧୪୧ ଓ ପୁରୀରୁ ୧୨୭ ନୂଆ ସଂକ୍ରମିତ ରହିଛନ୍ତି। କେବଳ ଏହି ୫ ଜିଲ୍ଲାରୁ ୧୨ ଶହ ୯୫ ସଂକ୍ରମିତ ହୋଇଛନ୍ତି । ୨୪ ଜିଲ୍ଲାରେ ୧୦୦ ତଳେ ରହିଛି ଦୈନିକ ସଂକ୍ରମଣ। ଏବେ ଆକ୍ଟିଭ୍ କେସ୍ ୨୫ ହଜାର ୪୬୧ କୁ ହ୍ରାସ ପାଇଛି। ଗ୍ରୀନ୍ ଜୋନ୍ରେ ୨୩ ଓ ରେଡ୍ ଜୋନ୍ରେ ରହିଛି ୨ଟି ଜିଲ୍ଲା।