ପ୍ରମୁଖ ଦେବୀ ପୀଠରେ ଚାଲିଛି ମାଆ ଜଗଜ୍ଜନନୀଙ୍କର ଷୋଡ଼ଶ ଉପଚାର ପୂଜା, ଆଜି ନବମୀ ତିଥିରେ ମାଆ କଟକ ଚଣ୍ଡୀ ମହାଲକ୍ଷ୍ମୀ ବେଶରେ ଦେଉଛନ୍ତି ଦର୍ଶନ
କଟକ: ରାଜ୍ୟର ପ୍ରମୁଖ ଦେବୀ ପୀଠରେ ଚାଲିଛି ମାଆ ଜଗଜ୍ଜନନୀଙ୍କର ଷୋଡ଼ଶ ଉପଚାର ପୂଜା । ଆଜି ନବମୀ ତିଥିରେ ମାଆ କଟକ ଚଣ୍ଡୀ ମହାଲକ୍ଷ୍ମୀ ବେଶରେ ଦର୍ଶନ ଦେଉଛନ୍ତି।
ଗତକାଲି ମହାକାଳୀ ବେଶରେ ଦର୍ଶନ ଦେଇଥିଲେ ମଆ । ମୂଳାଷ୍ଟମୀରେ ଘଟ ସ୍ଥାପନ ପରଠୁ ଷୋଡ଼ଶ ଉପଚାର ଦୁର୍ଗାପୂଜା ଆରମ୍ଭ ହୋଇଥିଲା । ଚଳିତ ବର୍ଷ ମଝିରେ ମଳ ମାସ ପଡିବାରୁ, ଛଅଟି ବେଶ ପରେ ଆଉ ବେଶ ହୋଇ ନ ଥିଲେ ମାଆ । ଏବେ ନବରାତ୍ରରେ ମାଆ ପ୍ରତିଦିନ ବିଭିନ୍ନ ବେଶରେ ଦର୍ଶନ ଦେଉଛନ୍ତି । ମନ୍ଦିର ବାହାରେ ରହି ଭକ୍ତମାନେ ମାଆଙ୍କୁ ଦର୍ଶନ ଦେଉଛନ୍ତି।
