ଆଜି ପୌଷ ପୂର୍ଣ୍ଣିମା, ଶ୍ରୀମନ୍ଦିରରେ ମହାପ୍ରଭୁଙ୍କର ଦେବାଭିଷେକ ନୀତି ଓ ସୁନାବେଶ
ପୁରୀ: ଆଜି ପୌଷ ପୂର୍ଣ୍ଣିମା । ଶ୍ରୀମନ୍ଦିରରେ ମହାପ୍ରଭୁଙ୍କର ଦେବାଭିଷେକ ନୀତି ଅନୁଷ୍ଠିତ ହେଉଛି । ଏହି ଅବସରରେ ମହାପ୍ରଭୁ ରାଜାଧିରାଜ ବା ସୁନାବେଶରେ ଦର୍ଶନ ଦେବେ । ରତ୍ନ ସିଂହାସନରେ ବର୍ଷକୁ ୪ଥର ହେଉଥିବା ସୁନାବେଶ ମଧ୍ୟରୁ ଆଜି ଅନ୍ୟତମ । ସକାଳ ଧୂପ ପରେ ରତ୍ନଖଚିତ ଅଳଙ୍କାରରେ ମହାପ୍ରଭୁ ଦର୍ଶନ ଦେବେ । ଏନେଇ ଆଜି ଭୋର ୩ଟା ୫ମିନିଟରେ ଶ୍ରୀମନ୍ଦିର ଦ୍ୱାର ଫଇଟିବା ପରେ ୩ଟା ୫୦ରେ ମଙ୍ଗଳ ଆଳତୀ ଓ ୫ଟାରେ ଅବକାଶ ନୀତି ହୋଇଥିଲା ।
