ଅନୁଗୁଳ : ହାତୀ ଆକ୍ରମଣରେ ୨ ମୃତ

ଅନୁଗୁଳ(କେନ୍ୟୁଜ୍) : ହାତୀ ଆକ୍ରମଣରେ ୨ଜଣଙ୍କ ମୃତ୍ୟୁ। ଅନୁଗୁଳର କଣିହା ବ୍ଲକ ସୁଲେଇପାଳ ଗାଁରେ ଘଟିଛି ଏଭଳି ଅଭାବନୀୟ ଘଟଣା। ଗତକାଲି ଅପରାହ୍ନରେ ସୁଲେଇପାଳର ଦେବରାଜ ସାମଲ ଓ ସୁଧାକର ମହାନ୍ତି ବିଲକୁ ଯାଇଥିବା ବେଳେ ହାତୀ ସେମାନଙ୍କୁ ଆକ୍ରମଣ କରିଥିଲା। ଦେବରାଜଙ୍କୁ ପ୍ରଥମେ ହାତୀ ଆକ୍ରମଣ କରିଥିବା ବେଳେ ଗୁରୁତର ଭାବେ ସେ ଜୀବନ ବିକଳରେ ଗାଁକୁ ଫେରିଆସିଥିଲେ। ସେଠାରୁ ତାଙ୍କୁ ତାଳଚେର ସଦର ଡାକ୍ତରଖାନାକୁ ନିଆଯାଇଥିଲା। ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସେହିପରି ସୁଧାକର ମହାନ୍ତିଙ୍କୁ ମଧ୍ୟ ହାତୀ ଦଳି କଚାଡ଼ି ମାରିଦେଇଥିଲା। ବହୁ ଖୋଜାଖୋଜି ପରେ ତାଙ୍କ ମୃତଦେହ ଉଦ୍ଧାର କରାଯାଇଛି। ୨ଜଣଙ୍କ ମୃତ୍ୟୁରେ ଗାଁରେ ଶୋକାକୂଳ ପରିବେଶ ହୋଇଛି।