ଭାରସାମ୍ୟ ହରାଇ ନାଳକୁ ଖସିଲା କାର୍: ଦୁଇ ମୃତ, ଜଣେ ଗୁରୁତର
ନୟାଗଡ଼ : ଦୁର୍ଘଟଣା ନେଲା ୨ ଜୀବନ । ନୟାଗଡ଼ ଖଣ୍ଡପଡ଼ା ଥାନା ଭଅଁରପଲ୍ଲି ଗୋବିଜ୍ଞାନ କେନ୍ଦ୍ର ନିକଟରେ ଦୁର୍ଘଟଣା ହୋଇଛି । ଏଥିରେ ଦୁଇ ଜଣକର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ମୃତକମାନେ ହେଲେ ପଦ୍ମଚରଣ ମହାରଣା ଏବଂ ମଞ୍ଜୁଲତା ମହାରଣା । ଏହି ଦୁର୍ଘଟଣାରେ ଜଣେ ଆହତ ହୋଇଛନ୍ତି । ତାଙ୍କୁ ଡାକ୍ତରଖାନାରେ ଭର୍ତ୍ତି କରଯାଇଛି।
ସୂଚନା ଅନୁସାରେ ଗତକାଲି ସନ୍ଧ୍ୟାରେ ଏକ କାର (ଓଡି ୦୨ ଏଏନ୍ ୮୭୯୪) ଯୋଗେ ଖଳିସାହିରୁ କୋସକା ଅଭିମୁଖେ ଯାଉଥିବା ବେଳେ ଦୁର୍ଘଟ ଭାରସାମ୍ୟ ହରାଇ ତାଙ୍କ କାରଟି କଲଭଟ ତଳକୁ ଖସି ପଡିଥିଲା । ଫଳରେ ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଥିବା ସୂଚନା ମିଳିଛି। ମୃତକ ହେଲେ ଖୋର୍ଦ୍ଧା ବୋଲଗଡ ଅଞ୍ଚଳର ପଦ୍ମଚରଣ ମହାରଣା ଏବଂ ମଞ୍ଜୁଲତା ମହାରଣା । ମିଲିନା ମହାରଣା ଗୁରୁତର ଆହତ ହୋଇଛନ୍ତି । ଖଣ୍ଡପଡ଼ା ପୋଲିସ ଘଟଣାର ତଦନ୍ତ କରୁଛି ।