ବାସୁଦେବପୁର: ରାତି ସାରା ଚୋରକୁ ନିର୍ଦ୍ଧୁମ ଛେଚା । ଚୋରି କରୁଥିବାବେଳେ ଧରିଲେ ଆଉ ଉତ୍ତମ ମଧ୍ୟମ ଦେଇ ଥାନାରେ ଜିମା ଦେଲେ। ଭଦ୍ରକ ଜିଲ୍ଲା ବାସୁଦେବପୁର ଥାନା ବାଣପୁର ଗାଁରେ ଘରେ ପଶି ଚୋରି କରୁଥିବା ସମୟରେ ଗାଁ ଲୋକେ ୨ ଜଣ ଚୋରକୁ ଅଟକ ରଖିଥିଲେ।
ନିଶ୍ଚିତ ପଢନ୍ତୁ ଏହି ସବୁ ଷ୍ଟୋରୀ
ବାଣପୁର ଗାଁରେ କିଛି ଦିନ ଧରି ଚୋର ଆତଙ୍କ ଦେଖାଦେଇଥିବାବେଳ ତାକୁ କାବୁ କରିବାକୁ ରାତି ସାରା ଜଗି ରହିଥିଲେ । ଗତକାଲି ରାତିରେ ବାଣପୁର ଗାଁର ପ୍ରଫୁଲ ବେହେରାଙ୍କ ଘରେ ପଶି ଚୋରୀ କରିବାକୁ ଉଦ୍ୟମ କରୁଥିବାବେଳେ ଧରାପଡିଥିଲେ । ଘର ଲୋକଙ୍କ ପାଟି ଶୁଣି ଗାଁଲୋକ ମିଶି ଚୋରକୁ ଧରି ରାତି ସାରା ମାଡ ମାରିଥିଲେ । ଏହାପରେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଚୋରକୁ ଅଟକ ରଖି ପଚରାଉଚରା କରୁଛି ।