ଦିଗପହଣ୍ଡି : ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ସାନଖେମୁଣ୍ଡି ବ୍ଲକ ଗାନ୍ଧୀ ଛକରେ ବଜ୍ରାଘାତରେ ଦୁଇ ଯୁବକଙ୍କ ମୃତ୍ୟୁ ଘଟିଛି । ସାନଖେମୁଣ୍ଡି ବ୍ଲକ ପାଟପୁର ଗ୍ରାମରେ ଯାତ୍ରା ଚାଲିଥିବା ବେଳେ ଗାନ୍ଧୀ ଛକରେ ମୀନାବଜାର, ବ୍ରେକ ଡ୍ୟାନ୍ସ ଚାଲିଥିଲା ।
ଆଜି ଏହି ସମୟରେ କାଳବୈଶାଖୀ ବର୍ଷା ସହ ପବନ ଓ ବିଜୁଳି ଓ ଘଡଘଡି ହୋଇଥିଲା । ସମ ମୀନାବଜାରରେ ଦୁଇ ଯୁବକ ମୋବାଇଲ ଫୋନରେ କଥା ହେଉଥିବା ବେଳେ ଉଭୟଙ୍କୁ ବଜ୍ରାଘାତ ଘଟିଥିଲା । ଉଭୟ ଘଟଣାସ୍ଥଳରେ ଟଳି ପଡିଥିବା ବେଳେ ପାଟପୁର ପୋଲିସ ସ୍ଥାନୀୟ ଲୋକଙ୍କ ସହଯୋଗରେ ଆମ୍ବୁଲାନ୍ସ ମାଧ୍ୟମରେ ଦିଗପହଣ୍ଡି ମେଡିକାଲକୁ ନେଇଥିଲେ ।
ନିଶ୍ଚିତ ପଢନ୍ତୁ ଏହି ସବୁ ଷ୍ଟୋରୀ
ହେଲେ ଡ଼ାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ଦୁଇ ଯୁବକ ରାମ ଦୋଳିରେ କାମ କରୁଥିଲେ । ଜଣେ ଗଂଜାମ ଜିଲ୍ଲା ପୋଲସରା ଅଞ୍ଚଳର ଶାନ୍ତୁନୁ ହୋଇଥିବା ବେଳେ ଏବଂ ଅନ୍ୟ ଜଣେ ଯୁବକ ନିରାକାରପୁରର ବୋଲି ଜଣାପଡିଛି ।