ନରସିଂହପୁର : ଧକ୍କା କରି ଫେରାର ଥିବା ଅଲେଖ ରଣାଙ୍କୁ ପୋଲିସ ଗିରଫ ନକରିବା ପ୍ରତିବାଦ କରି ଅଲେଖଙ୍କ ସ୍ତ୍ରୀକୁ ଗାଁ ଇଲେଟ୍ରିକ ଖୁଣ୍ଟାରେ ବାନ୍ଧିଲେ ମହିଳା | ଏପରି ଅଭାବନୀୟ ଘଟଣା ଘଟିଛି କଟକ ଜିଲ୍ଲା ନରସିଂହପୁର ଥାନା କୋକଳବା ଗ୍ରାମରେ |
ସୂଚନା ଅନୁଯାଇ, ୩ ଦିନ ତଳେ କୋକଳବା ଗ୍ରାମର ରାଜେନ୍ଦ୍ର ନାୟକ ଓ କିଛି ସାଙ୍ଗ ବାହାରେ ବସିଥିବାବେଳେ ସେହି ଗ୍ରାମର ଅଲେଖ ରଣା ରାଜେନ୍ଦ୍ର ନାୟକଙ୍କୁ ଆସି ଧକ୍କା କରି ପଳାଇଯାଇଥିଲା | ଫଳରେ ରାଜେନ୍ଦ୍ର ନାୟକଙ୍କ ପରିବାର ଅଲେଖ ରଣାଙ୍କ ଘରକୁ ପଚାରିବାକୁ ଯିବାବେଳେ ଅଲେଖ ରଣା ଛୁରୀ ମାଡ କରିଥିବା ଅଭିଯୋଗ ହୋଇଛି |
ଫଳରେ ୩ ଜଣଙ୍କ ଭିତରୁ ପିଣ୍ଟୁ ନାୟକ ଗୁରୁତର ହୋଇ କଟକରେ ଚିକିତ୍ସିତ ହେଉଥିବା ବେଳ ଆଉ ଦୁଇଜଣ ଭଲ ହୋଇ ଘରକୁ ଫେରିଛନ୍ତି | ଏନେଇ ରାଜେନ୍ଦ୍ରଙ୍କ ପରିବାର ତରଫରୁ ନରସିଂହପୁର ଥାନାରେ ଏତେଲା ଦେଇଥିଲେ ବି ପୋଲିସ କିଛି ନକରିବାରୁ ଆଜି ଆଇନକୁ ହାତକୁ ନେବା ସହ ଅଲେଖ ରଣା ସ୍ତ୍ରୀଙ୍କୁ ବାନ୍ଧିଛନ୍ତି | କିଛି ସମୟ ପରେ ପୋଲିସ ପହଞ୍ଚି ତାଙ୍କୁ ଉଦ୍ଧାର କରିଛି |