ଉଦଳା(କେନ୍ୟୁଜ) : ବିଦ୍ୟାଳୟରେ ଛାତ୍ରଛାତ୍ରୀମାନେ ପଢିବା ନିମନ୍ତେ ଆଜି ସ୍ଥାୟୀ ଘରଟିଏ ନାହିଁ । ଚାରି ବର୍ଷରୁ ଅଧିକ ହେବ ସ୍କୁଲ ପରିଚାଳନା କମିଟିର ସଭାପତି ଏବଂ ପ୍ରଧାନଶିକ୍ଷକ ମିଳିତ ଭାବେ ବିଦ୍ୟାଳୟ ଗୃହ ନିର୍ମାଣ କରୁଥିବା ବେଳେ ତାହା ସଂପୂର୍ଣ୍ଣ ହୋଇପାରିନାହିଁ ।
ହେଲେ ଘର ବାବଦରେ ସମସ୍ତ ଟଙ୍କା ଉଠାଣ ହୋଇଯାଇଥିବା ନେଇ ଅଭିଯୋଗ ହୋଇଛି । ଯାହାଫଳରେ ଚାଳ ଛପର ଘର ତଳେ ବସି ବିପଦସଙ୍କୁଳ ଅବସ୍ଥାରେ ଛାତ୍ରଛାତ୍ରୀମାନେ ପାଠ ପଢୁଛନ୍ତି । ଯାହାକୁ ନେଇ ଆଜି ତାତିଛନ୍ତି ଅଭିଭାବକ ଏବଂ ଗ୍ରାମବାସୀ । ବିଦ୍ୟାଳୟ ଗେଟରେ ତାଲା ପକାଇବା ସହିତ ଛାତ୍ରଛାତ୍ରୀ ଏବଂ ଅଭିଭାବକମାନେ ବିଦ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି କପ୍ତିପଦା ଶିକ୍ଷା ବ୍ଲକ ଅଧିନରେ ଥିବା ମଝିଗଡିଆ ପଂଚାୟତ ଦାମାସାହି ପ୍ରାଥମିକ ବିଦ୍ୟାଳୟରେ ।
ଏହି ବିଦ୍ୟାଳୟରେ ୪୫ ରୁ ଅଧିକ ଛାତ୍ରଛାତ୍ରୀ ପାଠ ପଢନ୍ତି । ବିଦ୍ୟାଳୟ ପାଇଁ ଉପଯୁକ୍ତ ଶ୍ରେଣୀ ଗୃହ ନାହିଁ କିମ୍ବା ବିଦ୍ୟାଳୟ ପାଇଁ ଛାତ ଘର ନାହିଁ । ଯାହାଫଳରେ ଛାତ୍ରଛାତ୍ରୀମାନେ ଚାଳଛପର ତଳେ ବସି ପାଠ ପଢନ୍ତି । ଏହି ବିଦ୍ୟାଳୟ ନିମନ୍ତେ ଘର କାମ ଆରମ୍ଭ ହୋଇଥିଲାବେଳେ ଘର ନିର୍ମାଣ ଶେଷ ହୋଇପାରୁନାହିଁ ।
ଯାହାକୁ ନେଇ ପ୍ରଧାନଶିକ୍ଷକ ଏବଂ ଶିକ୍ଷୟିତ୍ରୀଙ୍କୁ ତୁରନ୍ତ ବଦଳି କରିବା ସହିତ ବିଦ୍ୟାଳୟ ଗୃହ ନିର୍ମାଣ ଦାବି ନେଇ ଆଜି ଅଭିଭାବକ ଏବଂ ଛାତ୍ରଛାତ୍ରୀମାନେ ବିଦ୍ୟାଳୟ ଫାଟକରେ ତାଲା ପକାଇ ବିକ୍ଷୋଭ ପ୍ରଦର୍ଶନ କରିବା ସହିତ ଧାରଣା ଦେଇଛନ୍ତି । ଏପରିକି ଶିକ୍ଷକଙ୍କ ଗାଡିକୁ ଚେନ୍ରେ ବାନ୍ଧି ତାଲା ପକାଇ ରଖିଛନ୍ତି ଆନ୍ଦୋଳନକାରୀ । ଏହି ଦାବି ପୂରଣ ନ ହେଲେ ଆନ୍ଦୋଳନ ବ୍ୟାପକ ହେବ ବୋଲି ଚେତାବନୀ ଦେଇଛନ୍ତି ଆନ୍ଦୋଳନକାରୀ ।
କୋରାପୁଟ : ଦୁଇ ନକଲି ନକ୍ସଲ ଗିରଫ । ଜୟପୁର ସଦର ଥାନା ଓ ବୈପାରିଗୁଡା ପୋଲିସର ମିଳିତ ଉଦ୍ୟମରେ…
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…