ହାତୀ ଘଉଡାଇବାରେ ବନ କର୍ମଚାରୀ ବିଫଳ, ଅଧିକାରୀଙ୍କୁ ଘେରିଲେ ଗାଁ ଲୋକ

କେନ୍ଦୁଝର : ଦିନକୁ ଦିନ ବଢୁଛି ହାତୀଙ୍କ ଦୌରାତ୍ମ୍ୟ ନଷ୍ଟ କରୁଛନ୍ତି ଶହ ଶହ ଏକର ଫସଲ ଓ ଘର ମଧ୍ୟ ନଷ୍ଟ କରୁଛନ୍ତି । ଦୀର୍ଘ ଦିନ ହେବ ଚମ୍ପୁଆ ରେଞ୍ଜରୁ ହାତୀ ଉପଦ୍ରବ ଥମିବାର ନାଁ ନେଉନାହିଁ । ଘର ଭାଙ୍ଗିବା ସହ ବ୍ୟାପକ ଧାନ ଫସଲ ନଷ୍ଟ କରୁଛନ୍ତି । ହାତୀ ଘଉଡାଇବାରେ ବିଫଳତାକୁ ନେଇ ବନ କର୍ମଚାରୀଙ୍କୁ ଘେରିଲେ ଜାଲି ଗ୍ରାମବାସୀ ।

କିଛି ଦିନ ତଳେ ଏହି ୨୮ ଦଳିଆ ହାତୀ ପଲ ଚମ୍ପୁଆ ରେଞ୍ଜ ଛାଡ଼ି ପାଟଣା ରେଞ୍ଜକୁ ଚାଲିଯାଇଥିଲେ ।  ଏବେ ପୁଣି ଲେଉଟି ଆସି ଜାଲି,ରାଉତରାପୁର,ଝାଲିଆବେଡା, ବର୍ଧନା ଗ୍ରାମରେ ବ୍ୟାପକ କ୍ଷୟକ୍ଷତି ଘଟାଇଛନ୍ତି ।  ବନ ବିଭାଗ ଏହି ହାତୀକୁ ନିୟନ୍ତ୍ରଣ କରିବାକୁ ବିଫଳ ହେବାରୁ ଚମ୍ପୁଆ ବ୍ଲକ ଜାଲି ଗ୍ରାମବାସୀ ବନବିଭାଗକୁ ଘେରାଉ କରିବା ସହ ହୋହାଲ୍ଲା କରୁଥିବା ଦେଖିବାକୁ ମିଳିଛି ।