କେନ୍ଦ୍ରାପଡ଼ା ଜିଲ୍ଲାର ଲୋକସଭା କ୍ଷେତ୍ର ସହ ୭ଟି ଯାକ ବିଧାନସଭା ଆସନ ପାଇଁ ଚାଲିଛି ଭୋଟିଂ
କେନ୍ଦ୍ରାପଡ଼ା (କେନ୍ୟୁଜ୍): କେନ୍ଦ୍ରାପଡ଼ା ଜିଲ୍ଲାର ଲୋକସଭା କ୍ଷେତ୍ର ସହ ୭ଟି ଯାକ ବିଧାନସଭା ଆସନ ପାଇଁ ଚାଲିଛି ଭୋଟିଂ। ମୋଟ ୧୭ ଲକ୍ଷ ୯୧ହଜାର ୨୦୮ଜଣ ଭୋଟର ନିଜର ମତଦାନ ସାବ୍ୟସ୍ତ କରିବେ । ଏଥିରେ ୮ଲକ୍ଷ ୧୨ ହଜାର ୩୪୯ଜଣ ପୁରୁଷ ଭୋଟର ରହିଥିବା ବେଳେ ୮ଲକ୍ଷ ୬୭ହଜାର ୮୦୬ଜଣ ମହିଳା ଭୋଟର ଅଛନ୍ତି । ଏଠାରେ ବି ସୁରକ୍ଷା ଦୃଷ୍ଟିରୁ ମୁତୟନ ଅଛନ୍ତି କେନ୍ଦ୍ରୀୟ ସୁରକ୍ଷା ବଳ ।
ସେହିପରି, କେନ୍ଦ୍ରାପଡା ପାଟକୁରା ନିର୍ବାଚନ ମଣ୍ଡଳୀରେ ସକାଳ ୭ଟାରୁ ଆରମ୍ଭ ହୋଇଛି ମତଦାନ । ବୁଥ ଆଗରେ ଲମ୍ବା ଲାଇନ ଲଗାଇ ମତଦାନ କରୁଛନ୍ତି ଭୋଟର। ବରିଷ୍ଠ ନେତା ବିଜୟ ମହାପାତ୍ର, ବିଜେଡି ବିଧାୟକ ପ୍ରାର୍ଥୀ ଅରବିନ୍ଦ ମହାପାତ୍ର, କଂଗ୍ରେସ ବିଧାୟକ ପ୍ରାର୍ଥୀ ରତିକାନ୍ତ କାନୁନଗୋ ଓ ବିଜେପି ବିଧାୟକ ପ୍ରାର୍ଥୀ ତେଜେଶ୍ୱର ପରିଡା ମତଦାନ କରିବା ସହିତ ନିଜର ଭାଗ୍ୟ ପରିକ୍ଷା କରିଛନ୍ତି ।
ପାଟକୁରା ନିର୍ବାଚନ ମଣ୍ଡଳୀର ୨ଲକ୍ଷ ୫୧ହଜାର ୫୪୮ଭୋଟର ସେମାନଙ୍କର ମତାଧିକାର ସାବ୍ୟସ୍ତ କରିବେ। ତେବେ ଜିଲ୍ଲାରେ ମୋଟ ୩୦୯ଟି ବୁଥ ହୋଇଥିବା ବେଳେ ୪୬ଟି ସମ୍ବେଦନଶୀଳ ଓ ୧୫ଟି ଅତି ସମ୍ବେଦନଶୀଳ ବୁଥ ଅଛି ।