ବନ୍ୟା ଆଣିଲା ଦୁଃଖ, ଗଜପତି ଜିଲ୍ଲାରେ ୨ଟି ସ୍ଥାନରେ କାନ୍ଥ ପଡି ୩ ମୃତ

ଗଜପତି(କେନ୍ଯୁଜ୍) : ବାତ୍ୟା ଓ ବନ୍ୟା ପରେ ଗଜପତି ଜିଲ୍ଳାରେ ଅଘଟଣ । ଶୋଇଥିବା ବେଳେ ଦୁଇଟି ଭିନ୍ନ ସ୍ଥାନରେ କାନ୍ଥ ପଡି ୩ ମୃତ । ବଡ଼ ପାଚେଡ଼ିଆ ଗାଁରେ କାନ୍ଥପଡ଼ି ୨ ଜଣ ପ୍ରାଣ ହରାଇଥିବା ବେଳେ ଏଙ୍ଗାର ସିଂହ ପଞ୍ଚାୟତର ସାନସଡ଼ା ଗାଁରେ ବି ଜଣଙ୍କ ଜୀବନ ଯାଇଛି । ମୃତକ ମାନେ ହେଲେ ରୟଗଡ଼ା ଗଙ୍ଗାବାଡ଼ ପଞ୍ଚାୟତ ବଡ଼ପାଚେଡ଼ିଆଗାଁର ଶ୍ରୀ ନିବାସ ଶବର, ବେଙ୍ଗା ସାହିର ଲକ୍ଷ୍ମୀ ଶବର ଏବଂ ଏଙ୍ଗାର ସିଂହ ପଞ୍ଚାୟତର ସାନସଡ଼ା ଗାଁର ଡେମି ବେହେରା । ବାତ୍ୟା ଓ ପ୍ରବଳ ବର୍ଷା ପରେ କାନ୍ଥ ଭଶୁଡି ଥିବା ଅନୁମାନ କରାଯାଉଛି ।