ରାଜ୍ୟ

ସ୍ୱାମୀ ଦେହରେ ସ୍ତ୍ରୀର ଲିଭର୍, ଏସିବିରୁ ଡିସଚାର୍ଜ ହେଲେ ପ୍ରଥମ ଲିଭର ଟ୍ରାନ୍ସପ୍ଲାଣ୍ଟ କରାଯାଇଥିବା ବ୍ୟକ୍ତି ଓ ତାଙ୍କ ପତ୍ନୀ

କଟକ (କେନ୍ୟୁଜ) : ସେ ମୋ ଅର୍ଦ୍ଧାଙ୍ଗିନୀ, ହେଲେ ଅର୍ଦ୍ଧାଙ୍ଗିନୀ ରୁ ଆଜି ମୋ ମା ହୋଇ ଯାଇଛି । ପିଲା ପାଇଁ ମାଆ ଯେମିତି ଜୀବନ ଦେବାକୁ ପଛାଏ ନାହିଁ । ଆଜି ସେମିତି ମୋ ସ୍ତ୍ରୀ ତା ଲିଭର ଦେଇ ମୋ ଜୀବନ ବଞ୍ଚାଇଛି । ମୋ ସ୍ତ୍ରୀ ମୋତେ ଭାରି ଭଲ ପାଏ ସେଥିପାଇଁ ତ ସେ ମୋତେ ତା ଲିଭର ଦେଇ ମୋ ଜୀବନ ବଞ୍ଚାଇଛି ବୋଲି ଏମିତି କିଛି ଭାବବିହ୍ୱଳ ହୋଇ କହିଥିଲେ ଏସିବିରେ ପ୍ରଥମ ଲିଭର ଟ୍ରାନ୍ସପ୍ଲାଣ୍ଟ ହୋଇଥିବା ବ୍ୟକ୍ତି ମାନସ ବାରିକ। ମାନସଙ୍କ ଘର କଟକ ତିଗିରିଆ ମାନପୁର ଅଞ୍ଚଳରେ । ମାନସଙ୍କ ଲିଭର ଖରାପ ହେବା ପରେ ମାନସଙ୍କୁ ତାଙ୍କ ସ୍ତ୍ରୀ ରଶ୍ମିତା ସ୍ୱାମୀ ନିଜ ଲିଭର ଦାନ କରିଥିଲେ। ଆଉ ଏବେ ପତ୍ନୀଙ୍କ ଲିଭର ଲାଗିବା ପରେ ନୂଆ ଜୀବନ ପାଇଛନ୍ତି ମାନସ । ତେବେ ଲିଭର ଟ୍ରାନ୍ସପ୍ଲାଣ୍ଟ ପାଇଁ ସାଧାରଣତଃ ୩୦ ରୁ ୪୦ ଲକ୍ଷ ଟଙ୍କା ଆବଶ୍ୟକ ପଡିଥାଏ । ହେଲେ ମାନସ ପେଷାରେ ଜଣେ ଡ୍ରାଇଭର । ତାଙ୍କ ପକ୍ଷେ ଏତେ ଟଙ୍କା ଯୋଗାଡ କରିବା ସମ୍ଭବପର ନୁହେଁ । ତେଣୁ ଏସିବିରେ ମାନସଙ୍କର ମାଗଣାରେ ଚିକିତ୍ସା କରାଯାଇ ମାନସଙ୍କର ଲିଭର ଟ୍ରାନ୍ସପ୍ଲାଣ୍ଟ କରାଯାଇଥିଲା। ଯାହାପରେ ନୂଆ ଜୀବନ ପାଇଛନ୍ତି ମାନସ । ତାଙ୍କ ପାଇଁ ଭଗବାନ ସାଜିଥିବା ଏସିବି ଓ AIG ର ଡାକ୍ତର ଓ କର୍ମଚାରୀ ମାନଙ୍କୁ ହୃଦୟରୁ ଧନ୍ୟବାଦ ଦେଇଥିଲେ ମାନସ ଓ ତାଙ୍କ ପତ୍ନୀ ରଶ୍ମିତା।

ଏସିବିରୁ ଡିସଚାର୍ଜ ହେଲେ ପ୍ରଥମ ଲିଭର ଟ୍ରାନ୍ସପ୍ଲାଣ୍ଟ କରାଯାଇଥିବା ବ୍ୟକ୍ତି ଓ ତାଙ୍କ ପତ୍ନୀ। ଏସିବିରେ ପ୍ରଥମ ଥର ପାଇଁ ସଫଳତାର ସହ ହୋଇଛି ପ୍ରଥମ ଲିଭର ଟ୍ରାନ୍ସପ୍ଲାଣ୍ଟ। ସ୍ୱାମୀ ଦେହରେ ଲାଗିଛି ସ୍ତ୍ରୀର ଲିଭର୍ । କଟକ ତିଗିରିଆ ଅଞ୍ଚଳର ମାନସ ବାରିକଙ୍କ ଠାରେ ତାଙ୍କର ପତ୍ନୀ ରଶ୍ମିତା ବାରିକଙ୍କ ଠାରୁ ଲିଭର ଆଣାଯାଇ ଟ୍ରାନସପ୍ଲାଣ୍ଟ କରାଯାଇଥିଲା । ଏବେ ଉଭୟ ପତି ପତ୍ନୀ ସୁସ୍ଥ ହୋଇ ଏସିବି ରୁ ଡିସଚାର୍ଜ ହୋଇଛନ୍ତି । ସ୍ୱାମୀଙ୍କୁ ନିଜ ଲିଭର ଦେଇ ସିନ୍ଦୁରକୁ ବଞ୍ଚାଇ ପାରିଛନ୍ତି ଆଜି ଜଣେ ସ୍ତ୍ରୀ । ସାବିତ୍ରୀ ଭଳି ନିଜ ସ୍ୱାମୀର ଜୀବନ ରକ୍ଷା କରିଛନ୍ତି ରଶ୍ମିତା ।

ସ୍ୱାସ୍ଥ୍ୟ ସେବା କ୍ଷେତ୍ରରେ ଇତିହାସ ରଚିଲା କଟକ ବଡ଼ ଡାକ୍ତରଖାନା।ଏଣିକି ଲିଭର ଟ୍ରାନ୍ସପ୍ଲାଣ୍ଟ ପାଇଁ ଆଉ ବାହାର ରାଜ୍ୟକୁ ଯିବାକୁ ପଡିବ ନାହିଁ । କଟକ ବଡ଼ ଡାକ୍ତରଖାନାରେ ନିଃଶୁଳ୍କରେ ହେବ ଏହି ବ୍ୟୟ ବହୁଳ ଲିଭର ଟ୍ରାନ୍ସପ୍ଲାଣ୍ଟ। ଏଆଇଜିର ୯ ଜଣିଆ ଡାକ୍ତରୀ ଟିମ୍ ସହ ଏସସିବି ମେଡିକାଲର ଡାକ୍ତରମାନେ ମିଳିତ ଭାବେ ଏହି ପ୍ରତିରୋପଣ ଅସ୍ତ୍ରୋପଚାର କରିଛନ୍ତି । ପ୍ରଥମଥର ପାଇଁ ଏଭଳି ଜଟିଳ ଅସ୍ତ୍ରାପଚାର ଏସିବି ମେଡ଼ିକାଲରେ କରାଯାଇ ପାରିଛି । ଆଗକୁ ଏଭଳି ଲିଭର ଟ୍ରାନ୍ସପ୍ଲାଣ୍ଟ କରାଯିବ ଏସିବିରେ। ଲିଭର ଟ୍ରାନ୍ସପ୍ଲାଣ୍ଟ ଜଟିଳ ହୋଇଥିବା ବେଳେ ସବୁ ବିଭାଗର ସମନ୍ୱୟ ଓ ସହଯୋଗ ଯୋଗୁଁ ଆଜି ଏହି ପ୍ରଥମ ଲିଭର ଟ୍ରାନ୍ସପ୍ଲାଣ୍ଟ ସଫଳ ହୋଇ ପାରିଛି । ୨୦୧୨ ରୁ କରାଯାଇଥିବା ପ୍ରଚେଷ୍ଟା ଆଜି ସଫଳତା ଆଣି ଦେଇଛି । ଏସିବି ଓ AIG ର ଉଭୟ ଡାକ୍ତର ଙ୍କ ସହଯୋଗ ଓ ଚେଷ୍ଟା ଫଳରେ ଆଜି ଏସିବି ପକ୍ଷରୁ ଏଭଳି ଜଟିଳ ଅସ୍ତ୍ରୋପଚାର ସଫଳତାର ସହ ହୋଇପାରିଛି। ଭାରତ ବର୍ଷରେ ଏହି ବିରଳ ପ୍ରତିରୋପଣ ଚିକିତ୍ସା ଏବେ କଟକ ଏସିବିରେ ମାଗଣାରେ ମିଳୁ ଥିବାରୁ ରୋଗୀଙ୍କ ମନରେ ନୂଆ ଆଶା ସଂଚାର କରିଛି।

 

Pritiparna

Recent Posts

କାର ସହ ବାଇକ୍‌ ମୁହାଁମୁହିଁ ଧକ୍କା, ୨ ମୃତ

ଗଞ୍ଜାମ(କେନ୍ୟୁଜ୍‌): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…

12 mins ago

ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ, ରାଜ୍ୟରେ ଜାରି ରହିବ ଗ୍ରୀଷ୍ମ ଲହରୀ

ଭୁବନେଶ୍ୱର(କେନ୍ୟୁଜ୍‌): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…

22 mins ago

କାଲି ଆର୍ଟ ଅଫ୍ ଗିଭିଂ ଦିବସ, ୨୦୦ ଦେଶ ଏବଂ ୨୫ ହଜାର ସ୍ଥାନରେ ହେବ ପାଳନ

ଭୁବନେଶ୍ୱର(କେନ୍ୟୁଜ୍‌): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…

32 mins ago

ବିଚାରାଧୀନ ମହିଳା କଏଦୀଙ୍କ ମୃତ୍ୟୁ

ରାଇରଙ୍ଗପୁର (କେନ୍ୟୁଜ୍‌) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…

1 hour ago

ଛେପ ପକାଇ ମୁହଁ ମସାଜ୍‌ କରୁଥିଲେ ସେଲୁନ୍‌ କର୍ମଚାରୀ, ସିସିଟିଭିରେ ଭିଡିଓ କଏଦ୍‌

ଆଜିକାଲି ପାର୍ଲର ଯିବା ଏକ ପ୍ରକାର ଫେସନ୍‌ ହୋଇଗଲାଣି । ଅଧିକାଂଶ ଯୁବପିଢ଼ି ପାର୍ଲର ଯିବାକୁ ପସନ୍ଦ କରିଥାଆନ୍ତି ।…

2 hours ago

ସମୁଦ୍ରରେ ଗାଧୋଇବା ବେଳେ ବୁଡ଼ିଗଲେ ଦୁଇ ପର୍ଯ୍ୟଟକ, ଲାଇଫଗାର୍ଡଙ୍କ ଦ୍ୱାରା ଉଦ୍ଧାର

ଗୋପ : ଶେଷ  ରଜରେ ପର୍ଯ୍ୟଟନ କ୍ଷେତ୍ର କୋଣାର୍କ ସମେତ ଚନ୍ଦ୍ରଭଗା ଓ ରାମଚଣ୍ଡୀ ପୀଠରେ ନାହିଁ ନଥିବା ଭିଡ଼…

2 hours ago