ସୁନ୍ଦରଗଡ଼ : ସ୍ୱାମୀକୁ ପିଟି ପିଟି ମାରିଦେଲା ସ୍ତ୍ରୀ
ସୁନ୍ଦରଗଡ଼ (କେନ୍ୟୁଜ୍) : ସ୍ତ୍ରୀ ସାଜିଲା ହତ୍ୟାକାରୀ । ଘରୋଇ କଳହ ପରେ ନିଜ ହାତରେ ମାରି ଦେଇଛି ସ୍ୱାମୀକୁ । ଶନିବାର ଵିଳମ୍ବିତ ରାତିରେ ସୁନ୍ଦରଗଡ଼ ଜିଲ୍ଲା ତଳସରା ଥାନା ବାଲିଶଙ୍କରା ଶୁଖା ମହାଦେବ ଡୁଙ୍ଗରିପଡା ଠାରେ ଏହି ଅଭାବନୀୟ ଘଟଣା ଘଟିଛି। ଶୋଇଥିବା ଅଵସ୍ଥାରେ ସ୍ବାମୀଙ୍କ ମୁଣ୍ଡକୁ ଲୁହା ପାଇପରେ ଛେଚି ହତ୍ଯା କରିଛି ସ୍ତ୍ରୀ। ଏହା ପରେ ସେହି ରାତିରେ ହିଁ ଥାନାକୁ ଯାଇ ଆତ୍ମସମର୍ପଣ କରିଛି।
ନିହତ ସ୍ବାମୀ ହେଲେ ପ୍ରକାଶ କୁଜୁର । ତାଙ୍କ ବୟସ ୪୫ ବର୍ଷ। ଗତକାଲି ଦିନ ଵେଳା କୌଣସି କଥାକୁ ନେଇ ସ୍ଵାମୀ ସ୍ତ୍ରୀଙ୍କ ମଧ୍ଯରେ ଝଗଡା ହୋଇଥିଲା। ସ୍ବାମୀ ପ୍ରକାଶ ସ୍ତ୍ରୀ ମାସୁଷମାକୁ ମାଡ଼ ମାରିଥିଲେ। ତେବେ ରାତିରେ ସ୍ବାମୀ ପ୍ରକାଶ ଖଟରେ ଶୋଇଯିବା ପରେ ସ୍ତ୍ରୀ ଏକ ଲୁହା ପାଇପରେ ତାଙ୍କ ମୁଣ୍ଡକୁ ବାରମ୍ବାର ପ୍ରହାର କରିଥିଲା। କଣ ଘଟୁଛି ଜାଣିବାକୁ ପ୍ରକାଶକୁ ସୁଯୋଗ ଦେଇ ନଥିଲା ସ୍ତ୍ରୀ। ସ୍ତ୍ରୀର ମାଡ଼ରେ ସେଇଠି ହିଁ ପ୍ରକାଶର ପ୍ରାଣ ଚାଲି ଯାଇଥିଲା। ତଳସରା ପୁଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିଥିଲା । ପରେ ମୃତଦେହକୁ ବ୍ୟଵଚ୍ଛେଦ ପାଇଁ ପଠାଇଵା ସହ ରକ୍ତଭିଜା ଲୁହା ପାଇପକୁ ଜବତ କରି ଚଦନ୍ତ ଚଳାଇଛି। ଘଟଣାଟି ବାଲିଶଙ୍କରା ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି।