ଗାଧୋଇଲା ବେଳେ ପୋଖରୀରେ ବୁଡି ମହିଳା ମୃତ
ସୁବର୍ଣ୍ଣପୁର : ସୁବର୍ଣ୍ଣପୁର ବୀରମହାରାଜପୁର ଥାନା ଅନ୍ତର୍ଗତ ଦୁର୍ଜନ ତୈଲା ପଞ୍ଚାୟତ ଦାଦରପାଲି ଗ୍ରାମରେ ଘଟିଲା ଅଘଟଣ । ପୋଖରୀରେ ଗଧୋଇଲା ବେଳେ ବୁଡି ଜଣେ ବିବାହିତା ମହିଳାଙ୍କ ମୃତ୍ୟୁ ହୋଇଛି। ମୃତକ ମହିଳା ଜଣକ ହେଲା ଦାଦରପାଲି ଗ୍ରାମର ମୁକୁନ୍ଦ ପ୍ରଧାନଙ୍କ ସ୍ତ୍ରୀ କଇଁତା ପ୍ରଧାନ ବୋଲି ଜଣା ପଡିଛି । ସକାଳୁ ମହିଳା ଜଣକ ଚାଷ କାମ କରିବାକୁ ତାଙ୍କ ଜମିକୁ ଯାଇଥିଲେ ।
ଚାଷ କାମ ପରେ ମହିଳା ଜଣକ ଗ୍ରାମର ମହାକୁରମୁଣ୍ଡା ପୋଖରୀକୁ ଗାଧୋଇବାକୁ ଯାଇଥିଲେ । ଗାଧୋଇଲା ବେଳେ ପାଣିର ଗଭୀରକୁ ଚାଲିଯାଇ ଆସି ପାରି ନ ଥିଲେ । ଆଖପାଖରେ ଥିବା ଲୋକେ ଉକ୍ତ ମହିଳାଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ବୀରମହାରାଜପୁର ଡ଼ାକ୍ତରଖାନାରେ ଭର୍ତ୍ତି କରିଥିଲେ । ମାତ୍ର ଚିକିତ୍ସାଧୀନ ଅବସ୍ଥାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
