ହାତୀ ଆକ୍ରମଣରେ ବୃଦ୍ଧା ଗୁରୁତର, ଗାଁ ଦାଣ୍ଡରେ ଉପଦ୍ରବ
ସୁନ୍ଦରଗଡ଼ : ଗାଁ ଦାଣ୍ଡରେ ପଶିଲା ହାତୀ । ସାହାଜ ବାହାଲ ଗାଁ ନିକଟ ବନ୍ଧୁ ପଡ଼ାରେ ଘରେ ପଶି ଜଣେ ବୃଦ୍ଧାଙ୍କୁ ଆକ୍ରମଣ କରିଛି । ଫଳରେ ବୃଦ୍ଧାଙ୍କ ଦୁଇ ହାତ ଭାଙ୍ଗି ଯାଇଛି । ସୁନ୍ଦରଗଡ଼ ଜିଲ୍ଲା ବଡଗାଁ ବନାଞ୍ଚଳକୁ ଆସିଥିବା ହାତୀ ପଲ ଅଞ୍ଚଳରେ ଉପଦ୍ରବ କରି ଆସୁଛନ୍ତି । ଆଜି ଭୋର୍ ପାଞ୍ଚଟା ସମୟରେ ଏକ ଦନ୍ତା ହାତୀ ସିଆଁମାଲ ଗାଁ ପଟୁ ସାହାଜବାହାଲକୁ ଆସିଥିଲା । ଗ୍ରାମବାସୀ ଶୌଚ ପାଇଁ ଯାଇଥିବା ବେଳେ ହାତୀକୁ ଦେଖି ଭୟଭୀତ ହୋଇଥିଲେ । ଲୋକେ ଭୟରେ ତାଟି କବାଟ ଦେଇଥିଲେ।
