IPS ଅଦଳ ବଦଳରେ ମହିଳା ଏସପି, ସାଗରିକ ନାଥ ଖୋର୍ଦ୍ଧା ଏସପି, ଏସ ସୁଶ୍ରୀଙ୍କୁ ନୟାଗଡ଼ ଦାୟିତ୍ଵ
ଭୁବନେଶ୍ୱର : ଆସନ୍ତୁ ଦେଖିବା IPS ଅଦଳ ବଦଳ ରେ କିଏ କିଏ ମହିଳା ଏସପି ବଦଲିଛନ୍ତି। 2016ବ୍ୟାଚ ଆଇପିଏସ୍ ସାଗରିକ ନାଥ ହୋଇଛନ୍ତି ଖୋର୍ଦ୍ଧା ଏସପି। ପୂର୍ବରୁ ସେ ଭୁବନେଶ୍ୱର ଟ୍ରାଫିକ ଏସପି ଓ ବାଲେଶ୍ଵର ଏସପି ଭାବେ ସଫଳତାର ସହ କାର୍ଯ୍ୟ ତୁଲାଉଛନ୍ତି।
ବାଲେଶ୍ଵର ଏସପି ଭାବେ ବାହାନଗା ରେଳ ଦୁର୍ଘଟଣା ସମୟରେ ତାଙ୍କର ଯଥେଷ୍ଟ ଅବଦାନ ରହିଛି। ସେହିଭଳି ବାଲେଶ୍ଵର ରେ ଆଇନ ଶୃଙ୍ଖଳା, ସାଇବର ଅପରାଧ ମାମଲା ତଦନ୍ତ ରେ ଅବଦାନ ଗୁରୁତ୍ବପୁର୍ଣ।
ଖୋର୍ଦ୍ଧା ଭଳି ସମ୍ବେଦନଶୀଳ ଜିଲ୍ଲା ରେ ସାଗରିକାଙ୍କ ରହିବ ଅନେକ ଚାଲେଞ୍ଜ। ରାଜନୈତିକ ବାତାବରଣ ଖୋର୍ଦ୍ଧା ରେ ସବୁବେଳେ ସମ୍ବେଦନଶୀଳ ରହିଥାଏ ।
ଏହା ସହ ସେଠାରେ ଖଣି ମାଫିଆଙ୍କ ଦୌରତ୍ମ୍ୟ, ଆଇନ ଶୃଙ୍ଖଳା, ଭାଇଚାରା ବଜାୟ ରଖିବା ବଡ ଚାଲେଞ୍ଜ ରହିବ । ସେହିପରି 2017ବ୍ୟାଚ ଆଇପିଏସ୍ ଏସ୍ ସ୍ଵାତି କୁମାର ରାୟଗଡ଼ା ଏସପି ଭାବେ ବଦଳି ହୋଇଛନ୍ତି । 2018ବ୍ୟାଚ ଆଇପିଏସ୍ ଏସ ସୁଶ୍ରୀ ନୟାଗଡ଼ ଏସପି ଭାବେ ଦାୟିତ୍ଵ ନେବେ। ପୂର୍ବରୁ ସୁଶ୍ରୀ ଭୁବନେଶ୍ୱର ରେ ଟ୍ରାଫିକ ଡିସିପି ଓ ମୟୂରଭଞ୍ଜ ଏସପି ଭାବେ ଦାୟିତ୍ଵ ତୁଲାଇଛନ୍ତି । ସେହିପରି ଦେଓଗଡ଼ ଏସପି ଥିବା2013ବ୍ୟାଚ IPS ଅନୁପମା ଜେମସ ଭିଜିଲାନ୍ସ ଏସପି ଭାବେ ଦାୟିତ୍ଵ ନେବେ । ସେହିପରି କଟକ ଗ୍ରାମାଞ୍ଚଳ ଏସପି ଥିବା 2013ବ୍ୟାଚ IPS ଏଲ ବିଦ୍ୟା ଭିଜିଲାନ୍ସ ଏସପି ଭାବେ ଦାୟିତ୍ଵ ନେବେ ।
