ସୁବର୍ଣ୍ଣପୁର: ବିନିକା ଥାନା ପରିସରରେ ଦେହରେ ପେଟ୍ରୋଲ ଢାଳି ଆତ୍ମହତ୍ୟା ଉଦ୍ୟମ କଲେ ଯୁବକ, କାବୁ କଲେ ପୋଲିସ ବାବୁ

ସୁବର୍ଣ୍ଣପୁର(କେନ୍ୟୁଜ୍):  ଥାନା ଆଗରେ ଯୁବକଙ୍କ ଆତ୍ମହତ୍ୟା ଉଦ୍ୟମ । ଦେହରେ ପେଟ୍ରୋଲ ଢାଳି ଆତ୍ମହତ୍ୟା ଉଦ୍ୟମ କରୁଥିବା ବେଳେ କାବୁ କଲେ ପୋଲିସ ବାବୁ । ଏଭଳି ଘଟଣା ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ବିନିକା ଥାନା ପରିସରରେ । ମିଳିଥିବା ସୁଚନା ଅନୁସାରେ ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଝାରବାହାଲି ଗାଁର ଯୁବ ଠିକାଦାର ତ୍ରିଲୋଚନ ପୁରୋହିତ ସେହି ଗାଁର ଏକ ରାସ୍ତା ତିଆର କାମରେ କନିଷ୍ଠ ଯନ୍ତ୍ରୀ ବିଜୟ କୁମାର ପୁର୍ତିଙ୍କ ଠାରୁ ୮୭ ହଜାର ଟଙ୍କା ପାଇବାର ଥିଲା ।

ହେଲେ ଆଜକୁ ଦୁଇବର୍ଷ ବିତିଯାଇଥିଲେ ମଧ୍ୟ  ଦୌଡି ଦୌଡି ନୟାନ୍ତ ହୋଇଥିଲେ । ହେଲେ ଟଙ୍କା ପାଇ ପାରି ନଥିବାରୁ ଆଜି ଥାନା ଆଗରେ ଆତ୍ମାହୂତି ଦେବାକୁ ଉଦ୍ୟମ କରିଥିଲେ ।ଏତିକି ବେଳେ ଥାନା ଅଧିକାରି ତ୍ରିଲୋଚନକୁ କାବୁ କରିବାରେ ସକ୍ଷମ ହୋଇଥିଲେ ।