ମହାନଦୀକୁ ଡେଇଁ ଯୁବକଙ୍କ ଆତ୍ମହତ୍ୟା ସନ୍ଦେହ, ସେତୁ ଉପରୁ ଯୁବକଙ୍କ ବାଇକ୍ ,ଚପଲ ଏବଂ ପର୍ସ ଉଦ୍ଧାର
ସୋନପୁର : ମହାନଦୀକୁ ଡେଇଁ ଯୁବକଙ୍କ ଆତ୍ମହତ୍ୟା ସନ୍ଦେହ । ମହାନଦୀ ସେତୁ ଉପରୁ ଯୁବକଙ୍କ ବାଇକ୍ ,ଚପଲ ଏବଂ ପର୍ସ ଉଦ୍ଧାର ପରେ ସେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ସୁବର୍ଣ୍ଣପୁର ଜିଲ୍ଲା ସୋନପୁର ମହାନଦୀ ସେତୁ ଉପରୁ ବାଇକ ଉଦ୍ଧାର କରିଛି ସୋନପୁର ପୋଲିସ ।
ଉଦ୍ଧାର ବାଇକ ଓ ପର୍ସଟି ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ରାଣିସର୍ଡା ଗାଁର କୁଲଦୀପ ପାଢୀଙ୍କର । ଗତକାଲି ସଂଧ୍ୟାରୁ ତାଙ୍କ ମୋବାଇଲ ବନ୍ଦ ରହିଥିଲା । ରାତି ତମାମ ପରିବାର ଲୋକ ବଲାଙ୍ଗୀରରେ ଖୋଜାଖୋଜି କରିଥିଲେ । ପରେ ମୋବାଇଲ ଲୋକେସନ ସୋନପୁର ଦେଖାଇବାରୁ ରାତିରେ ସୋନପୁରକୁ ଆସି ମଧ୍ୟ ପରିବାର ଲୋକ ଖୋଜାଖୋଜି କରିଥିଲେ ହେଁ କୁଲଦୀପଙ୍କ କୌଣସି ଖବର ମିଳିପାରିନଥିଲା ।
ଆଜି ପୋଲିସ ମହାନଦୀ ସେତୁ ଉପରୁ କୁଲଦୀପଙ୍କ ବାଇକ ଓ ପର୍ସ ପାଇବା ପରେ କୌଣସି କାରଣରୁ ମହାନଦୀକୁ ଡେଇଁ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ଓଡ୍ରାଫ ଟିମ ମହାନଦୀରେ ଖୋଜାଖୋଜି ଆରମ୍ଭ କରିଛି ।
