ଉଦୀୟମାନ ଭାଓଲିନ୍‌ ବାଦକ ରାକେଶ ବିଶ୍ୱାଳ ସମ୍ବର୍ଦ୍ଧିତ

ଭୁବନେଶ୍ୱର (କେ ନ୍ୟୁଜ୍‌) : ଭୁବନେଶ୍ୱରର ଉଦୀୟମାନ ଭାଓଲିନ୍‌ ବାଦକ ରାକେଶ ବିଶ୍ୱାଳଙ୍କୁ ସମ୍ବର୍ଦ୍ଧିତ କରିଛନ୍ତି କିଟ୍‌, କିସ୍‌ର ପ୍ରତିଷ୍ଠାତା

ତଥା ସାଂସଦ ଡ. ଅଚ୍ୟୁତ ସାମନ୍ତ । ଏହି ଅବସରରେ ତାଙ୍କୁ ଶ୍ରୀ ସାମନ୍ତ ଏକ ଅତ୍ୟାଧୁନିକ ଆମେରିକା ନିର୍ମିତ ଭାଓଲିନ୍‌ ଉପହାର ସ୍ୱରୂପ ପ୍ରଦାନ କରିଥିଲେ । ଭାଓଲିନ୍‌ ବାଦନରେ ରାକେଶ ରାଜ୍ୟ ଓ ଦେଶର ଗୌରବ ବଢ଼ାନ୍ତୁ ବୋଲି ସେ ଆଶା ପ୍ରକାଶ କରିଥିଲେ ।

ଏହି ନିରାଡ଼ମ୍ବର କାର୍ଯ୍ୟକ୍ରମରେ ରାକେଶ କେକ୍‌ କାଟିବା ସହ ଭାଓଲିନ୍‌ ଧୁନ୍‌ରେ ଜଗନ୍ନାଥ ଜଣାଣ ପରିବେଷଣ କରିଥିଲେ । ଏହି ଅବସରରେ ଅନ୍ୟମାନଙ୍କ ମଧ୍ୟରେ ବରିଷ୍ଠ ସାମ୍ବାଦିକ ପ୍ରଦୋଷ ପଟ୍ଟନାୟକ, ସିନେ ସାମ୍ବାଦିକ ଦିଲୀପ ହାଲି, ଅନୀଲ ପରିଡ଼ା, ଡ. ବିମଳେନ୍ଦୁ ମହାନ୍ତି, ସମାଜବାଦୀ ପାର୍ଟି ନେତା ରବି ବେହେରା, ଅଶୋକ ପାଣ୍ଡେ ଏବଂ ରାକେଶଙ୍କ ପିତା ରବି ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ । ନିଜର ପ୍ରତିଭାରେ ସମସ୍ତଙ୍କୁ ଚମତ୍କତ କରିଥିବା ରାକେଶ ବିଭିନ୍ନ କାର୍ଯ୍ୟକ୍ରମରେ ଭାଓଲିନ୍‌ ବାଦନ କରି ସମସ୍ତଙ୍କ ମନ ମୋହିଛନ୍ତି ।