ଡମ ଡମଣି ଡ୍ୟାମରେ ବୁଡି ଜଣେ ମୃତ, ବଣ ଭୋଜି କରିବାକୁ ଆସିଥିଲେ
ଚୌଦ୍ୱାର : ମଙ୍ଗରାଜପୁର ଡମ ଡମଣି ଡ୍ୟାମରେ ବୁଡି ଜଣେ ମୃତ । ମୃତକ ଜଣକ ହେଲେ କଟକ ବିରିବାଟି ଅଚଳର ନିର୍ମଳ ରାଉତ । ବଣ ଭୋଜି କରିବାକୁ ୬ ଜଣ ସାଙ୍ଗ ଆସିଥିଲେ । ସେମାନଙ୍କ ମଧ୍ୟରୁ ଜଣେ ବୁଡ଼ି ଯାଇଥିଲେ । ମୃତକ ହେଲେ ନିର୍ମଳ ରାଉତ । ପହଁରା ଶିଖି ନଥିବାରୁ ନିର୍ମଳଙ୍କୁ ତାର ସାଙ୍ଗମାନେ ଡ୍ୟାମ ଭିତରକୁ ଯିବାକୁ ମନା କରୁଥିଲେ ।
ହେଲେ ସେ କାହାରି କଥା ନଶୁଣି ଡ୍ୟାମ ଭିତରକୁ ପଶିଯାଇଥିଲା । ଗୋଡ଼ ଖସିଯିବାରୁ ସେବୁଡି ଯାଇଥିଲା । ଅନ୍ୟ ସାଙ୍ଗମାନେ ଚେଷ୍ଟା କରି ମଧ୍ୟ ଉଦ୍ଧାର କରି ପାରି ନଥିଲେ । ଅଗ୍ନିଶମ ବାହିନୀ ଦିନ ୩ ଟାରୁ ଆପ୍ରାଣ ଚେଷ୍ଟା କରି ସନ୍ଧ୍ୟା ୬ ଟା ସମୟରେ ଉଦ୍ଧାର କରି କଟକ ମେଡିକାଲକୁ ପଠାଇଥିଲା । ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ପ୍ରଶାସନ ପକ୍ଷରୁ ବାରଣ ଥିଲେ ମଧ୍ୟ କେହି ନମାନିବାରୁ ସେହିଁ ସ୍ଥାନରେ ବାରମ୍ବାର ଏଭଳି ଘଟଣା ଘଟୁଛି । ଏହାକୁ ରୋକିବା ପାଇଁ ସେଠାରେ ତାର ବଡ଼ ବୁଲାଇବାକୁ ଦାବିହେଉଛି ।
