କାନ୍ଥ ପଡି ଯୁବକ ଗୁରୁତର, ବାତ୍ୟା ଦାନା ପ୍ରଭାବରେ ଘରର କାନ୍ଥ ଫାଟି ଯାଇଥିଲା

ବାସୁଦେବପୁର : ଭଦ୍ରକ ଜିଲ୍ଲା ବାସୁଦେବପୁର ପୌରପାଳିକା ସ୍ଥିତ 19 ନଂ ୱାର୍ଡରେ କାନ୍ଥ ପଡି ଯୁବକ ଗୁରୁତର ।  ଯୁବକଙ୍କୁ ବାସୁଦେବପୁର ଡାକ୍ତରଖାନା ପରେ ଅବସ୍ଥା ଗୁରୁତର ହେବାରୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଗୁରୁତର ଯୁବକ ହେଉଛନ୍ତି ସେହି ଗ୍ରାମର ଭଗବାନ ବାରିକଙ୍କ ସାନ ପୁଅ ରମାକାନ୍ତ ।

ବାତ୍ୟା ଦାନା ପ୍ରଭାବରେ  ଘରର କାନ୍ଥ ଫାଟି ଯାଇଥିଲା । ସେହି ଘରେ ଥିବାବେଳେ ଆଜି ସନ୍ଧ୍ୟାରେ କାନ୍ଥଟି ଅଚାନକ ପଡି ଯାଇଥିଲା । ଫଳରେ ଯୁବକଙ୍କ ଉପରେ କାନ୍ଥଟି ପଡିଥିଲା । ଗୁରୁତର ଅବସ୍ଥାରେ ପ୍ରଥମେ ବାସୁଦେବପୁର ପରେ କଟକ ମେଡିକାଲକୁ ସ୍ଥାନାନ୍ତର କରାଯାଇଛି।