ବିଜେଡିରେ ଯୋଗଦେଲେ ଅଭିନେତ୍ରୀ ଜିନା ସାମଲ, ଆଜି ଛାଡିଥିଲେ ପଦ୍ମ

ଭୁବନେଶ୍ୱର (କେନ୍ୟୁଜ): ବିଜେଡିରେ ଯୋଗଦେଲେ ଅଭିନେତ୍ରୀ ଜିନା ସାମଲ । ଶଙ୍ଖଭବନରେ ରାଜ୍ୟସଭା ସସ୍ମିତ ପାତ୍ରଙ୍କ ଉପସ୍ଥିତିରେ ବିଜେଡି ମିଶ୍ରଣ ପର୍ବରେ ଦଳରେ ସାମିଲ ହୋଇଛନ୍ତି ଜିନା ।  ତେବେ ଦଳରେ ସାମିଲ ହେବା ପରେ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି୨୦୧୫ ରୁସେ ବିଜେଡି ପାଇଁ କ୍ୟାମ୍ପେନ କରୁଥିଲେ ।  କିଛିଦିନ ପାଇଁ ବିଜେପିକୁ ଯାଇଥିଲେ। ହେଲେ ଏବେ ବିଜେଡିକୁ ଫେରିଆସିଛ ନ୍ତି।

ଆଜି ବିଜେପିରୁ ଇସ୍ତଫା ଦେଇଥିଲେ ଜିନା ସାମଲ ।  ଏନେଇ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କୁ ନିଜର ଇସ୍ତଫା ପତ୍ର ପଠାଇଥିଲେ ।  ଦଳ ପାଇଁ ବର୍ଷ ବର୍ଷ ଧରି କାମ କରିଥିଲେ ମଧ୍ୟ ଦଳ ଅଣଦେଖା କରୁଥିବା ଅଭିଯୋଗ ଆଣି ଦଳ ଛାଡିଛନ୍ତି ଜିନା । ଦଳ ପାଇଁ ଝାଳ ବୁହାଇ କାର୍ଯ୍ୟ କରିଥିଲେ ମଧ୍ୟ ଶୀର୍ଷ ନେତୃତ୍ୱଙ୍କ ବିଶ୍ୱାସଭାଜନ ହୋଇପାରିନଥିବା ଇସ୍ତଫା ପତ୍ରରେ ଉଲ୍ଲେଖ କରିଛନ୍ତି ଜିନା ।