ଛୋଟ ବ୍ୟବସାୟ ପାଇଁ Paytm ଲଞ୍ଚ କଲା ପ୍ରଥମ POS ଡିଭାଇସ

ଛୋଟ ବ୍ୟବସାୟ ପାଇଁ ପେଟିଏମ୍ ପ୍ରଥମ ପକେଟ୍ ଆଣ୍ଡ୍ରଏଡ୍ POS ଲଞ୍ଚ କରିଛି ଯାହାଦ୍ୱାରା କଣ୍ଟାକ୍ଟଲେସ ପେମେଣ୍ଟ କରାଯାଇ ପାରିବ । ଏହି ଡିଭାଇସକୁ ମାସକୁ 499 ଟଙ୍କା ଦେଇ ଭଡାରେ ମଧ୍ୟ ନିଆଯାଇପାରିବ । ଏହା ଏକ ଫୋନ୍ ପରି ଡିଜାଇନ୍ ହୋଇଛି । ପେଟିଏମ୍ ଦାବି କରିଛି ଯେ ଅର୍ଡର ନେବା ଏବଂ ଦେୟ ଦେବା ପାଇଁ ଏହା ଏକ ପ୍ରକାରର ଫୋନ୍ ଭାବରେ ଡିଜାଇନ୍ ହୋଇଛି । ଏହା ହେଉଛି ପ୍ରଥମ ଆଣ୍ଡ୍ରଏଡ୍ ଆଧାରିତ ଡିଭାଇସ ଯାହାକି ଭାରତରେ ପରିଚିତ ହୋଇଛି ଏବଂ ଏହା ଦେଶର ଅନ୍ୟ POS ଡିଭାଇସ ଅପେକ୍ଷା ଅଧିକ ଶକ୍ତିଶାଳୀ ଅଟେ ।

ଫର୍ମ କହିଛି ଯେ ଏହାର PoS ମେସିନ୍ ପେଟିଏମ୍ ର ‘ସ୍କାନ୍ ଟୁ ଅର୍ଡର’ ସେବା ସହିତ ଆସିଥାଏ ଯାହା ଧୀରେ ଧୀରେ ରେଷ୍ଟୁରାଣ୍ଟ ଏବଂ ଟେକୱେ ଜଏଣ୍ଟରେ ରଖାଯିବ । ଏହି ଡିଭାଇସରେ 4.5 ଇଞ୍ଚର ଟଚ୍ ସ୍କ୍ରିନ୍ ଅଛି, ମୋଟେଇ 12 ମିମି ଏବଂ ଓଜନ 163 ଗ୍ରାମ ରହିଛି । ପେଟିଏମ୍ କହିଛି ଯେ QR କୋଡ୍ ସ୍କାନ୍ କରିବା ପାଇଁ ଏଥରେ ପାୱାରକୁଲ ପ୍ରୋସେସର୍, ଦୀର୍ଘସ୍ଥାୟୀ ବ୍ୟାଟେରୀ ଏବଂ ଇନ୍-ବିଲ୍ଟ କ୍ୟାମେରା ଅଛି ।

ବିଲିଂ, ପେମେଣ୍ଟ ଏବଂ ଗ୍ରାହକଙ୍କ ଯତ୍ନ ପାଇଁ କ୍ଲାଉଡ୍ ଆଧାରିତ ସଫ୍ଟୱେର୍ ମଧ୍ୟ ରହିଛି । ଏହି 4G ସିମ୍ କାର୍ଡ ୱାଇ-ଫାଇ ସହିତ ମଧ୍ୟ କାମ କରିପାରିବ । ପେମେଂଟ ଯେପରି ଫେଲ ନହେଉ ସେଥିପାଇଁ ବ୍ଲୁଟୁଥ୍ ସୁବିଧା ମଧ୍ୟ ପ୍ରଦାନ କରାଯାଇଛି । ପେଟିଏମ୍ କହିଛି ଯେ ଏହା କିଛି ମାସ ମଧ୍ୟରେ ଦୁଇ ଲକ୍ଷରୁ ଅଧିକ ଡିଭାଇସ ଜାରି କରିବାକୁ ଲକ୍ଷ୍ୟ ରଖିଛି । ଏହି ଡିଭାଇସ ଏକ ମାସରେ 20 କୋଟିରୁ ଅଧିକ କାରବାର କରିବ ବୋଲି ଆଶା କରାଯାଉଛି ।

Leave A Reply

Your email address will not be published.