ଭାରତରେ 5G ସର୍ଭିସ ଡାଉନ୍, କ’ଣ ଏହା ପଛର କାରଣ

ଭାରତରେ 5G ନେଟୱାର୍କ ଏବଂ ସର୍ଭିସ ଦ୍ରୁତ ଗତିରେ ବୃଦ୍ଧି ପାଉଛି । ହାଇ ସ୍ପିଡ୍ ଇଣ୍ଟରନେଟର ସୁବିଧା ପାଇଁ ଆଜିକାଲି ଅଧିକାଂଶ ଲୋକ 5G ବ୍ୟବହାର କରୁଛନ୍ତି । ଜିଓ ଏବଂ ଏୟାରଟେଲ ଦେଶର ଅଧିକାଂଶ ସହରକୁ ସେମାନଙ୍କର 5G ସର୍ଭିସ ବୃଦ୍ଧି କରିଛନ୍ତି । ତଥାପି, ଏପର୍ଯ୍ୟନ୍ତ କୌଣସି କମ୍ପାନୀ ଦ୍ୱାରା କୌଣସି 5G ପ୍ଲାନ ଆରମ୍ଭ ହୋଇନାହିଁ । କମ୍ପାନୀଗୁଡିକ ବର୍ତ୍ତମାନ ସେମାନଙ୍କ ୟୁଜର୍ସଙ୍କୁ ମାଗଣା 5G ଡାଟା ପ୍ରଦାନ କରୁଛନ୍ତି । ଲୋକଙ୍କ ମଧ୍ୟରେ 5G ର ଚାହିଦା ବଢ଼ୁଥିବାବେଳେ ବର୍ତ୍ତମାନ ଏହାର ନେଟୱାର୍କ ବିଷୟରେ ଏକ ବଡ ଅପଡେଟ୍ ବାହାରିଛି ।

ଭାରତରେ 5G ନେଟୱାର୍କର ଡାଟା ସ୍ପିଡ୍ ବିଷୟରେ ଏକ ବଡ ଖବର ସାମ୍ନାକୁ ଆସିଛି । ଏକ ରିପୋର୍ଟ ଅନୁଯାୟୀ, 5G ର ଚାହିଦା ବଢୁଥିବାରୁ ଏହାର ନେଟୱାର୍କ କ୍ୱାଲିଟି ହ୍ରାସ ପାଉଛି । କମ୍ପାନୀଗୁଡିକ 5G ନେଟୱାର୍କର ଦ୍ରୁତ ଗତିରେ ବିକାଶ କରିବା ଯୋଗୁଁ ଏହାର ଡାଉନଲୋଡ୍ ସ୍ପିଡରେ ମଧ୍ୟ ଏକ ବଡ଼ ହ୍ରାସ ଦେଖିବାକୁ ମିଳୁଛି । ରିପୋର୍ଟ ଅନୁଯାୟୀ, ଭାରତରେ ୨୦୨୩ର ପ୍ରଥମ ୩ ମାସରେ 5G ନେଟୱାର୍କର ହାରାହାରି ଡାଉନଲୋଡ୍ ସ୍ପିଡ୍ ୩୦୪Mbps ଥିଲା, କିନ୍ତୁ ବର୍ଷର ଶେଷ ୩ ମାସରେ ଡାଉନଲୋଡ୍ ସ୍ପିଡ୍ ୨୮୦.୭Mbps କୁ ଖସି ଆସିଛି ।

ରିପୋର୍ଟ ଅନୁଯାୟୀ, ଚଳିତ ବର୍ଷର ପ୍ରଥମ ୩ ମାସରେ, 5G ଡାଉନଲୋଡ୍ ସ୍ପିଡ୍ ପିକ୍ ଟାଇମରେ ବହୁତ କମ ଥିଲା । ବିଶ୍ୱାସ କରାଯାଏ ଯେ ପିକ୍ ଟାଇମରେ, OTT ଷ୍ଟ୍ରିମିଂ, ଗେମିଂ, ଅନ୍ଲାଇନ୍ ସପିଂ ଭଳି ଅନେକ ଉଦ୍ଦେଶ୍ୟରେ 5G ଡାଟା ବହୁଳ ଭାବରେ ବ୍ୟବହୃତ ହୁଏ । ଡାଉନଲୋଡ୍ ସ୍ପିଡ୍ ହ୍ରାସର ଏକ ମୁଖ୍ୟ କାରଣ 5G ନେଟୱାର୍କର ଅତ୍ୟଧିକ ବ୍ୟବହାର ହୋଇପାରେ ।

ରିପୋର୍ଟ ଅନୁଯାୟୀ, 5G ନେଟୱାର୍କରେ ଏୟାରଟେଲର ପରଫରମାନ୍ସ କିଛି ରାଜ୍ୟ ବ୍ୟତୀତ ଯଥେଷ୍ଟ ଉନ୍ନତ ହୋଇଛି । Q1 ୨୦୨୩ରେ ଏୟାରଟେଲର ହାରାହାରି ଡାଉନଲୋଡ୍ ସ୍ପିଡ୍ ୨୬୦.୪Mbps ଥିଲା, ଯାହା Q1 ୨୦୨୪ରେ ୨୭୩.୬Mbps କୁ ବୃଦ୍ଧି ପାଇଛି । ଜିଓର 5G ଡାଉନଲୋଡ୍ ସ୍ପିଡରେ ବହୁତ ହ୍ରାସ ଘଟିଛି । ୨୦୨୩ର ପ୍ରଥମ ୩ ମାସରେ ଜିଓର ଡାଉନଲୋଡ୍ ସ୍ପିଡ୍ ୩୨୩.୬Mbps ଥିଲା କିନ୍ତୁ ୨୦୨୪ର ପ୍ରଥମ ୩ ମାସରେ ଏହା ୨୬୧.୮Mbps କୁ ଖସିଗଲା ଏବଂ ଏହି ଅସୁବିଧାର ସର୍ବାଧିକ ପ୍ରଭାବିତ ରାଜ୍ୟ ହେଲା ଆସାମ, ଉତ୍ତରପ୍ରଦେଶ ଏବଂ ପଶ୍ଚିମବଙ୍ଗ ।

Leave A Reply

Your email address will not be published.