ଇନଷ୍ଟାଣ୍ଟ ମେସେଜିଂର ନାମ ଆସିବା ମାତ୍ରେ ହ୍ୱାଟସଆପ୍ ଆପ୍ଲିକେସନ୍ ସାମ୍ନାକୁ ଆସିଯାଏ । WhatsApp ବର୍ତ୍ତମାନ ବିଶ୍ୱର ସବୁଠାରୁ ବଡ଼ ଇନଷ୍ଟାଣ୍ଟ ମେସେଜିଂ ପ୍ଲାଟଫର୍ମ । ପ୍ରତିଦିନ, ବିଶ୍ୱର କୋଟି କୋଟି ଲୋକ ଏହାକୁ ସେମାନଙ୍କର ଗୁରୁତ୍ୱପୂର୍ଣ୍ଣ କାମ ପାଇଁ ବ୍ୟବହାର କରନ୍ତି । ଏହି ସମୟରେ, ହ୍ୱାଟସଆପ୍ ଏହାର ୟୁଜର୍ସଙ୍କ ପାଇଁ ଏକ ନୂତନ ଫିଚର ଆଣିବାକୁ ଯାଉଛି ଯାହା ଅନେକ କାମକୁ ବହୁତ ସହଜ କରିବାକୁ ଯାଉଛି । WhatsApp ନିଜ ୟୁଜର୍ସଙ୍କ ସୁବିଧା ପାଇଁ ନୂଆ ନୂଆ ଫିଚର୍ ଏବଂ ଅପଡେଟ୍ ଆଣୁଛି ।
କମ୍ପାନୀ ନୂଆ ଫିଚର୍ସ ସହ ୟୁଜର୍ସଙ୍କୁ ଏକ ନୂଆ ଅଭିଜ୍ଞତା ଦେବାକୁ ଚେଷ୍ଟା କରୁଛି । ଏବେ କମ୍ପାନୀ ଏହାର ଇନଷ୍ଟାଣ୍ଟ ମେସେଜିଂ ଆପ୍ର ଟ୍ରାନ୍ସଲେସନ୍ କ୍ଷମତାକୁ ଉନ୍ନତ କରିବାକୁ ଚେଷ୍ଟା କରୁଛି । ଯଦି ଇନଷ୍ଟାଣ୍ଟ ମେସେଜିଂ ଆପ୍ର ଆଗାମୀ ଫିଚର ବିଷୟରେ ରିପୋର୍ଟଗୁଡ଼ିକୁ ବିଶ୍ୱାସ କରାଯାଏ, ତେବେ ହ୍ୱାଟସଆପ୍ ବର୍ତ୍ତମାନ ଏପରି ଏକ ଫିଚର ଉପରେ କାମ କରୁଛି ଯେଉଁଥିରେ ଆପ୍ ସ୍ୱୟଂଚାଳିତ ଭାବରେ ଭାଷାକୁ ଚିହ୍ନିବ ଏବଂ ଏହାକୁ ଟ୍ରାନ୍ସଲେଟ୍ କରିବ ।
ଏହି ଫିଚର ଆସିବା ପରେ, ୟୁଜର୍ସଙ୍କୁ କେଉଁ ଭାଷାରେ ମେସେଜ ଆସିଛି ତାହା ଜାଣିବା ପାଇଁ କମାଣ୍ଡ ଦେବାକୁ ପଡିବ ନାହିଁ । ଯାହାଦ୍ୱାରା ହ୍ୱାଟସଆପ ୟୁଜର୍ସଙ୍କ ପାଇଁ ବିଭିନ୍ନ ଭାଷାରେ ଯୋଗାଯୋଗ କରିବା ସହଜ ହୋଇଯିବ । ହ୍ୱାଟସଆପର ଏହି ଫିଚର୍ ଡାଉନଲୋଡ୍ ଯୋଗ୍ୟ ଭାଷା ପ୍ୟାକ୍ ସାହାଯ୍ୟରେ କାମ କରିବ । କମ୍ପାନୀ ଏହା ମଧ୍ୟ କହିଛି ଯେ ବିଭିନ୍ନ ଭାଷାରେ କଥାବାର୍ତ୍ତା ସମୟରେ କୌଣସି ୟୁଜର୍ସଙ୍କ ଡାଟା କୌଣସି ଏକ୍ସଟର୍ନାଲ ସୋର୍ସକୁ ପଠାଯିବ ନାହିଁ ।
ଏହା ସହିତ ୟୁଜର୍ସଙ୍କ ପ୍ରାଇଭେସି ମଧ୍ୟ ସମ୍ପୂର୍ଣ୍ଣ ଭାବରେ ବଜାୟ ରହିବ । ହ୍ୱାଟସଆପର ଏହି ଆଗାମୀ ଫିଚରର ସବୁଠାରୁ ଖାସ କଥା ହେଉଛି ଯେ ଟ୍ରାନ୍ସଲେସନ୍ ପାଇଁ ଇଣ୍ଟରନେଟର ଆବଶ୍ୟକତା ପଡ଼ିବ ନାହିଁ । ଅର୍ଥାତ୍ ଆପଣ ଅଫଲାଇନ୍ ଥିବା ସମୟରେ ମଧ୍ୟ ଏହାକୁ ବ୍ୟବହାର କରିପାରିବେ । ହ୍ୱାଟସଆପ ଗତ କିଛି ସମୟ ମଧ୍ୟରେ ଅନେକ ନୂତନ ଫିଚର୍ ଆଣିଛି ଏବଂ କମ୍ପାନୀ ଅନେକ ନୂତନ ଫିଚର୍ ଉପରେ ବର୍ତ୍ତମନ କାମ କରୁଛି ।
ମେଟା ମାଲିକାନାରେ ଥିବା ଏହି କମ୍ପାନୀ ଏବେ ଏକ ଏଭଳି ଫିଚର ମଧ୍ୟ ଆଣୁଛି ଯେଉଁଥିରେ ୟୁଜର୍ସମାନେ ସେମାନଙ୍କର ବିଭିନ୍ନ ସୋସିଆଲ ମିଡିଆ ଆକାଉଣ୍ଟଗୁଡ଼ିକୁ ସେୟାର କରିପାରିବେ । ଏହା ବ୍ୟତୀତ, କମ୍ପାନୀ ଷ୍ଟାଟସ୍ ସେକ୍ସନ ପାଇଁ ଏକ ନୂଆ କ୍ରିଏସନ୍ ଟୁଲ୍ ମଧ୍ୟ ଆଣୁଛି । ନିକଟରେ ହ୍ୱାଟସଆପ୍ ଏକ ବଡ଼ ଅପଡେଟ୍ ଦେଇଛି ଯାହା ପରେ ୟୁଜର୍ସମାନେ ହ୍ୱାଟସଆପ୍ ମାଧ୍ୟମରେ ହିଁ ବିଦ୍ୟୁତ୍ ବିଲ୍, ପାଣି ବିଲ୍, ମୋବାଇଲ୍ ପୋଷ୍ଟପେଡ୍ ବିଲ୍ ମଧ୍ୟ ଦେଇପାରିବେ ।