‘AI’ ସମାଜ ପାଇଁ ବରଦାନ ନା ଅଭିଶାପ ! ଜାଣନ୍ତୁ କଣ ରହିଛି ସତ
ଚାଟଜିପିଟି ଭଳି AI ଉପକରଣଗୁଡ଼ିକ ବିପଜ୍ଜନକ କ୍ଷତି ଆଡ଼କୁ ଗତି କରୁଛି । ଏହାକୁ ଦୃଷ୍ଟିରେ ରଖି ବିଶ୍ୱର ମୁଖ୍ୟ ବିଶେଷଜ୍ଞ ମାନେ AI ର ଭୟଙ୍କର ପରିଣାମ ବିଷୟରେ ଚେତାବନୀ ଦେଇଛନ୍ତି । ଏହା ମାନବ ସମାଜ ପାଇଁ କ୍ଷତିକାରକ ବୋଲି ମତ ପ୍ରକାଶ ପାଇଛି ।
(କେନ୍ୟୁଜ ବ୍ୟୁରୋ): ମଣିଷର କାର୍ଯ୍ୟକୁ ସରଳ କରିବା ପାଇଁ AI ର ନିର୍ମାଣ କରାଯାଇଥିଲା । କିନ୍ତୁ ବର୍ତ୍ତମାନ ଏହାର ସମସ୍ୟା ମଧ୍ୟ ସାମ୍ନାକୁ ଆସିବା ଆରମ୍ଭ କରିଛି । ଚାଟଜିପିଟି ଭଳି AI ଉପକରଣଗୁଡ଼ିକ ବିପଜ୍ଜନକ କ୍ଷତି ଆଡ଼କୁ ଗତି କରୁଛି । ଏହାକୁ ଦୃଷ୍ଟିରେ ରଖି ବିଶ୍ୱର ମୁଖ୍ୟ ବିଶେଷଜ୍ଞ ମାନେ AI ର ଭୟଙ୍କର ପରିଣାମ ବିଷୟରେ ଚେତାବନୀ ଦେଇଛନ୍ତି । ଓପନ AI ପ୍ରତିଷ୍ଠାତା ସାମ ଅଲ୍ଟମ୍ୟାନ ମାଇକ୍ରୋସଫ୍ଟ ସିଟିଓ କେବିନ ସ୍କଟ ସମେତ ଅନ୍ୟ ବିଶେଷଜ୍ଞ ମାନେ ଚେତାବନୀ ଦେଇଛନ୍ତି ଯେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI) ସମାଜ ପାଇଁ ବିପଦ ହୋଇପାରେ । ଏହା ମାନବ ସମାଜ ପାଇଁ କ୍ଷତିକାରକ ବୋଲି ମତ ପ୍ରକାଶ ପାଇଛି ।
ଏଆଇ ସୁରକ୍ଷା କେନ୍ଦ୍ର ଏକ ବିବୃତ୍ତି ଜାରି କରିଛି, ଯେଉଁଥିରେ ଶତାଧିକ ଅଧିକାରୀ ଏବଂ ଶିକ୍ଷାବିତ ଦସ୍ତଖତ କରିଛନ୍ତି। ଏହା AI ର ନିୟମାବଳୀକୁ ପ୍ରାଥମିକତା ଦେବା ଏବଂ ମାନବିକତା ପାଇଁ ଏହାର ବିପଦକୁ ସମାଧାନ କରିବା ଦିଗରେ ଗୁରୁତ୍ୱାରୋପ କରିଛି । ଏହି ବିବୃତ୍ତିରେ, ମୁଖ୍ୟତଃ ଚାକିରି ବିଷୟରେ କୁହାଯାଇଛି, ଯାହା AI ଆସିବା ଦ୍ୱାରା ଶେଷ ହୋଇପାରେ । ଏହା ବ୍ୟତୀତ ଜନସ୍ୱାସ୍ଥ୍ୟ ଏବଂ ଭୁଲ ସୂଚନା ଉପରେ ଏହାର ଖରାପ ପ୍ରଭାବ ପଡ଼ିବା ଉପରେ ମଧ୍ୟ ଗୁରୁତ୍ୱାରୋପ କରାଯାଇଛି ।
ମାନବିକତା ପାଇଁ AI ଏକ ବଡ଼ ବିପଦ । ବର୍ତ୍ତମାନ ଅନେକ ବିଶେଷଜ୍ଞ AI ର ବିପଦକୁ ନଜର ରଖି ଏହି ବିବୃତ୍ତିରେ ଦସ୍ତଖତ କରିଛନ୍ତି। AI ରେ କାର୍ଯ୍ୟ କରୁଥିବା କିଛି ସଦସ୍ୟ AI ର ବିପଦକୁ ଅନୁଭବ କରିଛନ୍ତି ।
