ଭାରତୀୟ ବଜାରରେ ଲଞ୍ଚ ହେଲା Samsung Galaxy S20 FE । ବିଶ୍ୱ ବଜାରରେ ଏହି ଫୋନର 5G ଭେରିୟାଣ୍ଟ ଉପଲବ୍ଧ ହେଉଥିବା ବେଳେ ଭାରତ ବଜାରରେ କିନ୍ତୁ ଏହାର 4G ସପୋର୍ଟ ସହ ଉପଲବ୍ଧ ହେବ । ୮ ଜିବି ରାମ ଓ ୧୨୮ ଷ୍ଟୋରେଜ ସହ ଏହି ଫୋନ ଉପଲବ୍ଧ ହେବ ।Samsungର ଏହି ଫୋନ ଆଣ୍ଡ୍ରଏଡ଼ 10ରେ ଆଧାରିତ ହୋଇଯାଇଥିବା ବେଳେ One UI 2.0 ମିଳିପାରିବ । ଫୋନରେ ସୁପର ଏମୋଲେଡ଼ ୬.୫
ଇଂଚର ଫୁଲ ଏଚଡ଼ି ସ୍କ୍ରିନ ପ୍ଲସ ଡିଷ୍ପ୍ଲେ ସପୋର୍ଟ ରହିଛି । ଏହି ଡିଷ୍ପ୍ଲେ ରିଜୋଲୁସନ 1080 x 2400 ପିକସଲ ପର୍ଯ୍ୟନ୍ତ ରହିବ । ସୁରକ୍ଷା ଦୃଷ୍ଟିରୁ ଗରିଲା ଗ୍ଲାସ ୩ର ପ୍ରୋଟେକ୍ସନ ମଧ୍ୟ ରହିଛି । କହିରଖିବା ଉଚିତ ହେବକି, ଗ୍ଲୋବାଲ ଭେରିୟାଣ୍ଟର ୮୬୫ସ୍ନାପଡ୍ରାଗନ ପ୍ରୋସେସର ସହ ଲଞ୍ଚ ହୋଇଛି ଏହି ଫୋନ ।
କ୍ୟାମେରା ଦୃଷ୍ଟିରୁ ଦେଖିଲେ ଏଥିରେ ଗ୍ରାହକଙ୍କୁ ରିୟର କ୍ୟାମେରା ସେଟଅପ ସୁବିଧା ମିଳିପାରିବ । ଏହାର ମେନ କ୍ୟାମେରା 12 ମେଗା ପିକସଲର ଥିବା ବେଳେ ଅପଚର f /1.8 ର ରହିଛି । ଦ୍ଵିତୀୟ ଲେନ୍ସ ୧୨ ମେଗାପିକ୍ସଲ ବିଶିଷ୍ଟ ହୋଇଥିବା ବେଳେ ତୃତୀୟ ଲେନ୍ସଟି ହେଉଛି ୮ ମେଗାପିକ୍ସଲ ବିଶିଷ୍ଟ | ସେଲ୍ଫି ପାଇଁ ଏଥିରେ ୩୨ ମେଗା ପିକସଲ ଫ୍ରଣ୍ଟ କ୍ୟାମେରା ସୁବିଧା ଉପଲବ୍ଧ ଅଛି । ଏସବୁ ବାଦ କମ୍ପାନୀର ଏହି ଫୋନରେ ଗ୍ରାହକଙ୍କୁ 4G LTE, ୱାଇ ଫାଇ, ବ୍ଲୁ ଟୁଥ, ଜିପିଏସ /ଏ – ଜିପିଏସ, ଏନଏଫସି ଓ ୟୁଏସବି ଟାଇପ ଚରଜିଙ୍ଗ ପୋର୍ଟ ପାଇପାରିବେ । ସୁରକ୍ଷା ଦୃଷ୍ଟିରୁ ଡିଷ୍ପ୍ଲେ ଫିଙ୍ଗରପ୍ରିଣ୍ଟ ସେନ୍ସର ଅପସନ ବି ଦିଆଯାଇଛି । ଏହା ସହ AKG ସ୍ପିକର ବି ରହିଛି । କମ୍ପାନୀ ତରଫରୁ ଏହାର ମୂଲ୍ୟ ୪୯ ହଜାର ୯୯୯ ଟଙ୍କା ରଖାଯାଇଛି ।