ମାର୍କେଟକୁ ଆସିଲା ଫିଙ୍ଗରପ୍ରିଣ୍ଟ ଲକ୍, ଜାଣନ୍ତୁ କେତେ ରହିଛି ଦାମ

ଅନେକ ଥର ଆପଣ ଘରୁ ବାହାରକୁ ଗଲେ ଚାବି ହଜିଯାଏ । ଆଉ ଆପଣ ଘରକୁ ଆସି ଚାବି ନପାଇ ଟେନସନ ହୋଇଯାନ୍ତି । ଏଭଳି ପରିସ୍ଥିତିରେ ଲୋକମାନେ ତାଲା ଭାଙ୍ଗିବାକୁ ବାଧ୍ୟ ହୁଅନ୍ତି । ଅନ୍ୟପଟେ ଆପଣ ବାହାର ସ୍ଥାନକୁ ବୁଲିବାକୁ ଯାଇଥିବା ସମୟରେ ଚୋରମାନେ ବି ତାଲା ଭାଙ୍ଗି ଘରେ ଚୋରି କରନ୍ତି । ଏହି ସବୁ ସମସ୍ୟାକୁ ନଜରରେ ରଖି ଏକ ବଢ଼ିଆ ତାଲା ଡିଜାଇନ୍ କରାଯାଇଛି । ଯାହା ଦ୍ବାରା ଆପଣ ଆରାମରେ ବାହାରେ ବୁଲି ପାରିବେ । ଆଉ ଆପଣଙ୍କୁ ଚାବିର ବି ଆବଶ୍ୟକତା ରହିବନି । ଏପରିକି ଚୋର ବି ଚୋରି କରିବାକୁ ଆସିଲେ ଚିନ୍ତାରେ ପଡ଼ିଯିବ ତାଲା ଭାଙ୍ଗିବ କେମିତି । ଘରର ସୁରକ୍ଷା ଏବଂ ଲୋକଙ୍କ ଆବଶ୍ୟକତାକୁ ଦୃଷ୍ଟିରେ ରଖି ବର୍ତ୍ତମାନ ଫିଙ୍ଗରପ୍ରିଣ୍ଟ ବାୟୋମେଟ୍ରିକ୍ ପ୍ୟାଡଲକ୍ ବଜାରରେ ମିଳୁଛି । ଏହି ଲକ୍ ସିଷ୍ଟମ୍ ଆପଣଙ୍କ ଫିଙ୍ଗର ପ୍ରିଣ୍ଟ ଦ୍ବାରା ସହଜରେ ଖୋଲିଯିବ । ଅର୍ଥାତ ଆପଣ ଚାବି ରଖିବାର ଟେନସନରୁ ମୁକ୍ତ ହେବେ । ଆପଣ ଯେମିତି ନିଜ ମୋବାଇଲକୁ ଫିଙ୍ଗର ପ୍ରିଣ୍ଟ ସାହାଯ୍ୟରେ ଓପନ୍ କରୁଛନ୍ତି । ଠିକ୍ ସେମିତି ଏ ତାଲା ବି ଆପଣଙ୍କ ଫିଙ୍ଗର ପ୍ରିଣ୍ଟରେ ଖୋଲିବ । ତେବେ ଆସନ୍ତୁ ଏହି ଫିଙ୍ଗର ପ୍ରିଣ୍ଟ ତାଲା ବିଷୟରେ ଭଲରେ ଜାଣିବା ।

ଆର୍କନିକ୍ସ ରଗଡ୍ ସ୍ମାର୍ଟ ଫିଙ୍ଗର ପ୍ରିଣ୍ଟ୍ ପ୍ୟାଡଲକ୍ :

ଆର୍କନିକ୍ସ ରଗଡ୍ ସ୍ମାର୍ଟ ଫିଙ୍ଗର ପ୍ରିଣ୍ଟ୍ ପ୍ୟାଡଲକ୍ ହେଉଛି ଏମିତି ଏକ ଫିଙ୍ଗର ପ୍ରିଣ୍ଟ ତାଲା ଯାହା ୧୦ଟି ଫିଙ୍ଗର ପ୍ରିଣ୍ଟକୁ ସପୋର୍ଟ କରେ । ଏହାର ଅର୍ଥ ଆପଣଙ୍କ ଘରର ୧୦ ଜଣ ସଦସ୍ୟ ସେମାନଙ୍କର ଫିଙ୍ଗର ପ୍ରିଣ୍ଟକୁ କନେକ୍ଟ କରିପାରିବେ । ଲକ୍ ଅନଲକ୍ କରିବା ସମୟରେ ଯଦି ଜଣେ ସଦସ୍ୟ ଘରେ ଉପଲବ୍ଧ ନଥିବ ତେବେ ଅନ୍ୟଜଣେ ଏହାକୁ ସହଜରେ ଖୋଲିବାକୁ ସମର୍ଥ ହେବ । ସାଧାରଣ ତାଲା ଅପେକ୍ଷା ଏହି ତାଲା କିଣିଲେ ଆପଣଙ୍କୁ ଟିକେ ଅଧିକ ଖର୍ଚ୍ଚ କରିବାକୁ ପଡ଼ିବ । ମୂଲ୍ୟ ବିଷୟରେ କହିବାକୁ ଗଲେ ଏହାର ଦାମ ହେଉଛି ୬,୯୯୯ ଟଙ୍କା । କିନ୍ତୁ ଆପଣ ଏହାକୁ ଆମାଜନରୁ ମାତ୍ର ୩,୬୯୦ ଟଙ୍କାରେ କିଣି ପାରିବେ ।

ହର୍ଲିଚ୍ ହୋମ୍ସ ଫିଙ୍ଗରପ୍ରିଣ୍ଟ ପ୍ୟାଡଲକ୍ :

ଏହି ଫିଙ୍ଗର ପ୍ରିଣ୍ଟ ପ୍ୟାଡଲକ୍ ଆପଣଙ୍କ କାମକୁ ସହଜ କରିଥାଏ । ଏହା ସାହାଯ୍ୟରେ ଆପଣ ନିଜ ଘରକୁ ସୁରକ୍ଷିତ ରଖିପାରିବେ ଏବଂ ଆରାମରେ ଯେକୌଣସି ସ୍ଥାନକୁ ବୁଲିବାକୁ ଯାଇ ପାରିବେ । ଏହା ଗୋଟିଏ ସମୟରେ ଦୁଇ ଜଣଙ୍କର ଫିଙ୍ଗର ପ୍ରିଣ୍ଟକୁ  କନେକ୍ଟ କରିପାରିବ । ଏହା USB କେବୁଲ୍ ମାଧ୍ୟମରେ ଚାର୍ଜ ହୋଇଥାଏ । ମୂଲ୍ୟ ବିଷୟରେ କହିବାକୁ ଗଲେ ଏହାର ଦାମ ହେଉଛି ୩,୨୯୯ ଟଙ୍କା । କିନ୍ତୁ ଆପଣ ଏହାକୁ ଆମାଜନରୁ ମାତ୍ର ୧,୫୪୯ ଟଙ୍କାରେ କିଣି ପାରିବେ ।

ଏସ୍କୋର ସ୍ମାର୍ଟ ହେଭିଡ୍ୟୁଟି ଫିଙ୍ଗର ପ୍ରିଣ୍ଟ ପ୍ୟାଡଲକ୍ :

ଆପଣ ନିଜ ଫୋନରୁ ଏହି ଫିଙ୍ଗର ପ୍ରିଣ୍ଟ ପ୍ୟାଡଲକ୍ କୁ କଣ୍ଟ୍ରୋଲ କରିପାରିବେ । ଏଥିପାଇଁ ଆପଣ ଗୁଗଲ୍ ପ୍ଲେ ଷ୍ଟୋର କିମ୍ବା ଆପଲ୍ ଆପ୍ ଷ୍ଟୋରରୁ ଆପ୍ ଡାଉନଲୋଡ୍ କରିପାରିବେ ଏବଂ ଆପଣଙ୍କ ଫୋନରୁ ଲକ୍ ସିଷ୍ଟମକୁ କଣ୍ଟ୍ରୋଲ କରିପାରିବେ । ମୂଲ୍ୟ ବିଷୟରେ କହିବାକୁ ଗଲେ, ଏହି ପ୍ୟାଡଲକ୍ ର ଦାମ ହେଉଛି ୯,୫୦୦ ଟଙ୍କା । ଆପଣ ଏହାକୁ ଆମାଜନରୁ ମାତ୍ର ୬,୯୯୦ ଟଙ୍କାରେ କିଣି ପାରିବେ ।