ହ୍ୱାଟ୍ସଆପ୍ ୟୁଜରମାନଙ୍କ ପାଇଁ ଖୁସି ଖବର, ଏଣିକି ଡେସ୍କଟପରେ ମିଳିବ ହ୍ୱାଟ୍ସଆପ୍ ଅଡିଓ ଏବଂ ଭିଡିଓ କଲିଂର ସୁବିଧା
ହ୍ୱାଟ୍ସଆପ୍ ୟୁଜରମାନଙ୍କ ପାଇଁ ଖୁସି ଖବର । ହ୍ଵାଟ୍ସଆପ୍ ପ୍ରତ୍ୟେକ ଦିନ ନିଜର ନୂଆ ନୂଆ ଫିଚର ଲଞ୍ଚ୍ କରେ। ମେଟା ଅଧିକୃତ ହ୍ୱାଟ୍ସଆପ୍ ୟୁଜରମାନଙ୍କ ପାଇଁ ଏକ ନୂଆ ଅପ୍ଡେଟ୍ ଆଣିଛି । ମେଟା ଭର୍ସନରେ ହ୍ୱାଟ୍ସଆପ୍ ଏହାର ଡେସ୍କଟପ୍ ଆପ୍ ପାଇଁ ଏକ କଲ୍ ଟ୍ୟାବ୍ ସୁବିଧା ଆରମ୍ଭ କରିବାକୁ ଯାଉଛି । କଲ୍ ଟ୍ୟାବ୍ ସହିତ ଡେସ୍କଟପ୍ରେ ହ୍ୱାଟ୍ସଆପ୍ ୟୁଜର କଲ୍ ହିଷ୍ଟ୍ରି ପାଇପାରିବେ ଏବଂ ସମ୍ଭବତଃ ସିଧାସଳଖ ପିସିରୁ ହ୍ୱାଟ୍ସଆପ୍ କଲ୍ କରିବାର ବିକଳ୍ପ ପାଇପାରିବେ ।
ବର୍ତ୍ତମାନ ସ୍ମାର୍ଟଫୋନ୍ ପରେ, ଆପଣ ଲାପଟପ୍ କିମ୍ବା ଡେସ୍କଟପ୍ ରେ ହ୍ୱାଟ୍ସଆପ୍ ରେ କଲ୍ କରିବା ପାଇଁ ଅଲଗା ଟ୍ୟାବ୍ ଦେଖିବାକୁ ପାଇବେ। ଏହି ଅପଡେଟ୍ ପରେ, ଆପଣ ନିଜ ଲାପଟପ୍ କିମ୍ବା କମ୍ପ୍ୟୁଟରରେ ହ୍ୱାଟ୍ସଆପ୍ ଡେସ୍କଟପ୍ ଆପରେ ହ୍ୱାଟ୍ସଆପ୍ ଅଡିଓ ଏବଂ ଭିଡିଓ କଲ୍ ଉପଭୋଗ କରିପାରିବେ । ଏହି ନୂତନ ଫିଚର୍ସ କଲ୍ ଟ୍ୟାବ୍” କେବଳ ହ୍ୱାଟ୍ସଆପ୍ ବିଟା ଭର୍ସନରେ ରିଲିଜ କରିଛି।
କମ୍ପାନୀ ଏହାର ବିଟା ଭର୍ସନରେ ଡେସ୍କଟପ୍ କଲିଂର ଅପସନ ଯୋଡିଛି। ଏହି ନୂତନ ଫିଚର୍ସ ସାହାଯ୍ୟରେ, ଆମେ ଡେସ୍କଟପରେ ହ୍ୱାଟ୍ସଆପ୍ ଅଡିଓ ଏବଂ ଭିଡିଓ କଲ୍ ସହଜରେ ବ୍ୟବହାର କରିବାରେ ସମର୍ଥ ହେବା | ଏହି ନୂତନ ଫିଚର୍ସକୁ “କଲ୍ ଟ୍ୟାବ୍” କୁହାଯାଏ । WABetaInfo ଏକ ସ୍କ୍ରିନସଟ୍ ମାଧ୍ୟମରେ କହିଛି ଯେ ଆପଣ ଡେସ୍କଟପରେ ଚାଟ୍ ଏବଂ ଷ୍ଟାଟସ୍ ୱିଣ୍ଡୋ ମଧ୍ୟରେ ଏହାର କଲିଂ ବଟନ୍ ଦେଖିବାକୁ ପାଇବେ। ଏହା ସହିତ, ଆପଣ ନିଜେ ଡେସ୍କଟପ୍ ରେ ଆପଣଙ୍କର ହ୍ୱାଟ୍ସଆପ୍ କଲ୍ ହିଷ୍ଟ୍ରି ବିଷୟରେ ସହଜରେ ସୂଚନା ପାଇପାରିବେ। ବର୍ତ୍ତମାନ ଏହି ନୂତନ ଫିଚର୍ସ କେବଳ ବିଟା ଭର୍ସନ ବ୍ୟବହାରକାରୀଙ୍କ ପାଇଁ ଉପଲବ୍ଧ, କିନ୍ତୁ ଶୀଘ୍ର ଏହା ବ୍ୟବହାରକାରୀଙ୍କ ପାଇଁ ମଧ୍ୟ ଉପଲବ୍ଧ ହେବ।
