ଟେକ୍ ଜଏଣ୍ଟ୍ ଗୁଗୁଲ୍ ଆଣ୍ଡ୍ରଏଡ୍ ବ୍ୟବହାରକାରୀଙ୍କ ପାଇଁ ଏକ ନୂଆ ଫିଚର୍ ‘ଭେରିଫାଏଡ୍ କଲ୍’ ଆଣିଛି | ଏହାର ସାହାଯ୍ୟରେ, ଉପଭୋକ୍ତା ଜାଣିବେ କିଏ ସେମାନଙ୍କୁ କଲ୍ କରୁଛି, କଲ୍ କରିବାର କାରଣ କ’ଣ? ଆହୁରି ମଧ୍ୟ, ଏହି କଲର୍ ଲୋଗୋ ମଧ୍ୟ ଦେଖାଇବ | ବର୍ତ୍ତମାନ ଏହି ବିଶେଷ ଫିଚର୍ ଭାରତ ସମେତ ପାଞ୍ଚଟି ଦେଶରେ ଲଞ୍ଚ ହୋଇଛି। ଏହି ଫିଚର୍ ଉପଭୋକ୍ତାମାନଙ୍କୁ ସ୍ପାମ୍ କଲ୍ ବିଷୟରେ ସୂଚନା ଦେବ |
କମ୍ପାନୀ କହିବାନୁଯାୟୀ ଏହି ଖାସ୍ ଫିଚରକୁ ଲଞ୍ଚ କରିବା ପରେ ଉଦେଶ୍ୟ ହେଉଛି ନକଲି କଲ୍ କୁ ନିୟନ୍ତ୍ରଣ କରିବା। ଗୁଗଲ୍ ର ଏହି ଫିଚର ଭାରତ, ବ୍ରାଜିଲ, ସ୍ପେନ୍, ମେସ୍କିକୋ ଏବଂ ଆମେରିକାରେ ଲଞ୍ଚ କରାଯାଇଛି। କେବଳ ଏତିକି ନୁହେଁ ବ୍ୟବସାୟର ବ୍ୟାଚ ମଧ୍ୟ ଗୁଗଲ୍ ପକ୍ଷରୁ ଭେରିଫାଇ କରାଯାଇଥିବା ନମ୍ବରରେ ଦେଖାଯିବ। ଗୁଗଲର ନୂଆ ଫିଚର ଉପଭୋକ୍ତାଙ୍କୁ ନୂଆ ବିଜନେସ୍ କଲ୍ କରିବାର କାରଣ ମଧ୍ୟ କହିବ। ବର୍ତ୍ତମାନ ପର୍ଯ୍ୟନ୍ତ ଏହି ଫିଚରTrueCaller ଆପ୍ ରେ ମଧ୍ୟ ଉପଲବ୍ଧ ନାହିଁ। ଏନେଇ ଗୁଗଲ୍ ଏକ ବ୍ଲଗ ପୋଷ୍ଟ ମାଧ୍ୟମରେ ପ୍ରକାଶ କରିଛି, ଏହାର ଆରମ୍ଭ ଖୁବ୍ ପ୍ରଭାବଶାଳୀ ହେବ ଏବଂ ଏହା ଉପଭୋକ୍ତାଙ୍କ ମଧ୍ୟ ନିଶ୍ଚିତ ରୂପେ ଲାଭକାରୀ ହେବ।
ଏପରି ବ୍ୟବହାର କରନ୍ତୁ ଏହି ଖାସ୍ ଫିଚର୍
ଗୁଗୁଲର ପିକ୍ସେଲ ସିରିଜର ଡିଭାଇସ୍ ସହିତ, ଗୁଗୁଲ୍ ଫୋନ୍ ଆପ୍ ଡିଫଲ୍ଟ ଡାଏଲର୍ ଦ୍ୱାରା ଅନେକ ଆଣ୍ଡ୍ରଏଡ୍ ଫୋନରେ କାମ କରେ | ଏହି ସମସ୍ତ ଫୋନରେ ଅପଡେଟ୍ ସହ ନୂତନ ଫିଚର୍ ଆସିଯିବ। ଯଦି ଗୁଗୁଲ୍ ଫୋନ୍ ଆପ୍ ଆପଣଙ୍କ ଫୋନରେ ସଂସ୍ଥାପିତ ହୋଇନାହିଁ, ତେବେ ଏହାକୁ ଗୁଗୁଲ୍ ପ୍ଲେରୁ ସହଜରେ ଡାଉନଲୋଡ୍ କରନ୍ତୁ |
କାମ ହେବ ସହଜ
ସୂଚନା ମୁତାବକ ବର୍ତ୍ତମାନ ପର୍ଯ୍ୟନ୍ତ କଲ୍ ଚିହ୍ନଟ କରିବାର ଫିଚର୍ କେବଳ TrueCaller ଉପଲବ୍ଧ ଥିଲା, ଯାହା ଅଜ୍ଞାତ କଲ୍ ବିଷୟରେ ଜଣାଇଥାଏ | ସେହିଭଳି ବର୍ତ୍ତମାନ ଆପଣ ଗୁଗୁଲ୍ Verified calls ମାଧ୍ୟମରେ ଅଜ୍ଞାତ କଲ୍ ଚିହ୍ନଟ କରିବାରେ ସକ୍ଷମ ହେବେ | ଗୁଗୁଲ୍ ଫୋନ୍ ଆପରେ ଏହି ଫିଚର୍ ଆସିବା ପରେ ୟୁଜର୍ସଙ୍କ ଅନେକ କାମ ସହଜ କରିଦେବ। ଯାହାଦ୍ୱାରା ଉପଭୋକ୍ତା ମଧ୍ୟ ତୃତୀୟ ପକ୍ଷ ଆପ୍ ଆବଶ୍ୟକ କରିବେ ନାହିଁ |