ଯଦି ଆପଣ Google pay ମାଧ୍ୟମରେ ବିଦ୍ୟୁତ୍, ଗ୍ୟାସ୍ କିମ୍ବା ପାଣି ବିଲ୍ ଭରୁଛନ୍ତି ତେବେ ଆପଣଙ୍କ ପାଇଁ ଏହି ଖବର ଜରୁରୀ ଅଛି । ବର୍ତ୍ତମାନ ଆପଣଙ୍କୁ Google pay ରେ ଏସବୁ ରିଚାର୍ଜ କରିବା ପାଇଁ ଏକ୍ସଟ୍ରା ଚାର୍ଜ ଦେବାକୁ ପଡିବ । Google pay ଏବେ ୟୁଟିଲିଟି ବିଲ୍ ପେମେଣ୍ଟ ଉପରେ ସୁବିଧା Convenience fee ନେବା ଆରମ୍ଭ କରିଛି । ପୂର୍ବରୁ ଛୋଟ୍ ଟ୍ରାଞ୍ଜାକ୍ସନ ଉପରେ କୌଣସି ଚାର୍ଜ ନଥିଲା, କିନ୍ତୁ ବର୍ତ୍ତମାନ ଡେବିଟ୍ ଏବଂ କ୍ରେଡିଟ୍ କାର୍ଡ ମାଧ୍ୟମରେ ପେମେଣ୍ଟ ଉପରେ ୦.୫% ରୁ ୧% ଏବଂ Gst ମଧ୍ୟ ଦେବାକୁ ହେବ । ହେଲେ ଯଦି ଆପଣ UPI ମାଧ୍ୟମରେ ବ୍ୟାଙ୍କ୍ ଆକାଉଣ୍ଟରୁ ଡାଇରେକ୍ଟ ପେମେଣ୍ଟ କରନ୍ତି, ତେବେ କୌଣସି additional charge ଦେବାକୁ ପଡିବ ନାହିଁ ।
ଏହି ଚାର୍ଜ ବିଦ୍ୟୁତ୍, ପାଣି ଏବଂ ଗ୍ୟାସ୍ ବିଲ୍ ପେମେଣ୍ଟ ଉପରେ ଲାଗୁ ହେବ । ଗୋଟିଏ ବର୍ଷ ପୂର୍ବେ Google pay ମୋବାଇଲ୍ ରିଚାର୍ଜ ଉପରେ ୩ ଟଙ୍କା ଚାର୍ଜ ନିଆଯାଉଥିଲା, ହେଲେ ବର୍ତ୍ତମାନ ବିଲ୍ ପେମେଣ୍ଟ ଉପରେ ମଧ୍ୟ ଏହି ନିୟମ ଲାଗୁ କରାଯାଇଛି ।
PhonePe ଏବଂ Paytm ପୂର୍ବରୁ ବିଲ୍ ପେମେଣ୍ଟ ମେବାଇଲ୍ ରିଚାର୍ଜ ଏବଂ ଅନ୍ୟାନ୍ୟ ସର୍ଭିସ ଉପରେ ପ୍ରୋସେସିଙ୍ଗ ଫିସ୍ ନେଉଛନ୍ତି । ବର୍ତ୍ତମାନ Google pay ମଧ୍ୟ ଏହି ମଡେଲ୍ ଆପଣାଇଛି । ହେଲେ UPI ରୁ ଡାଇରେକ୍ଟ ବ୍ୟାଙ୍କ ଟ୍ରାନ୍ସଫର କରିବା ଉପରେ କୌଣସି ଚାର୍ଜ ଦେବାକୁ ପଡିବ ନାହିଁ । Google pay ରେ କ୍ରେଡିଟ୍ କାର୍ଡ ମାଧ୍ୟମରେ ବିଦ୍ୟୁତ୍ ବିଲ୍ ଭରିବା ଉପରେ ଜଣେ ଗ୍ରାହକଙ୍କୁ ୧୫ ଟଙ୍କା ସୁବିଧା Convenience fee ଦେବାକୁ ପଡୁଥିଲା, ଯେଉଁଥିରେ Gst ମଧ୍ୟ ସାମିଲ୍ ଅଛି । ଏହି ଚାର୍ଜକୁ ଡେବିଟ୍ ଏବଂ କ୍ରେଡିଟ୍ କାର୍ଡ ପେମେଣ୍ଟ ପାଇଁ ପ୍ରୋସେସିଙ୍ଗ ଫିସ୍ ମଧ୍ୟ କୁହାଯାଏ ।
Google payରେ ଅଧିକ UPI ଟ୍ରାଞ୍ଜାକ୍ସନ ହୋଇଥାଏ । ପ୍ରାୟ ୩୭% ଟ୍ରାଞ୍ଜାକ୍ସନ Google payରେ ହେଉଥିବା ସୂଚନା ରହିଛି । UPI ପେମେଣ୍ଟରେ PhonePe ପ୍ରତମ ସ୍ଥାନ ଅଧିକାର କରିଥିବାବେଳେ Google pay ଦ୍ବିତୀୟ ସ୍ଥାନରେ ଅଛି । ଜାନୁଆରୀ ସୁଦ୍ଧା, Google pay ରେ ୮.୨୬ ଲକ୍ଷ କୋଟି ଟଙ୍କାର UPI ଟ୍ରାଞ୍ଜାକ୍ସନ ପ୍ରୋସେସ୍ କରିଥିଲା । ପୂର୍ବରୁ Google pay ପ୍ରୋସେସିଙ୍ଗ ଖର୍ଚ୍ଚ ନିଜେ ଉଠାଇଥିଲା, କିନ୍ତୁ ଏବେ ଏହି ଖର୍ଚ୍ଚ ୟୁଜର୍ସଙ୍କ ଠାରୁ ନିଆଯାଉଛି । Google pay ୱେବସାଇଟରେ କୁହାଯାଇଛି ଯେ କାର୍ଡ ଦ୍ବାରା ପେମେଣ୍ଟ କରିବା ପାଇଁ ସୁବିଧା Convenience fee ନିଆଯିବ, ଯେତେବେଳେ ଡାଇରେକ୍ଟ UPI ମାଧ୍ୟମରେ ପେମେଣ୍ଟ କରିବା ପାଇଁ କୌଣସି ଚାର୍ଜ ନିଆଯିବ ନାହିଁ ।