ଗୁଗଲ୍ ଲଞ୍ଚ କଲା ସେଲ୍ଫ ରିପେୟାର ପ୍ରୋଗ୍ରାମ, ନିଜେ ସଜାଡି ପାରିବେ ନିଜ ସ୍ମାର୍ଟ୍ ଫୋନ୍
ବର୍ତ୍ତମାନ ଗୁଗଲ ନୂଆ ନୂଆ ଫିଚର ଲଞ୍ଚ କରିବାରେ ଲାଗିଛି। ଯାହାକି ଫୋନ୍ ବ୍ୟବହାରକାରୀଙ୍କୁ ମଧ୍ୟ ନିଜ ଦୈନନ୍ଦିନ ଜୀବନରେ ସାହାଯ୍ୟ କରୁଛି। ଆପଣଙ୍କ ଫୋନ୍ ଖରାପ ହେଲେ ଆପଣ ଚିନ୍ତାରେ ପଡ଼ିଯାଉଥିବେ ଯେ କେଉଁ ସ୍ଥାନରେ ଫୋନ୍ ଦେଲେ ଜଲଦି ଠିକ୍ ହୋଇ ଆସିବ। କାରଣ ଫୋନକୁ ସମସ୍ତେ ଅଧିକ ମାତ୍ରାରେ ବ୍ୟବହାର କରନ୍ତି। ହେଲେ ଏବେ ଆପଣଙ୍କୁ ଆଉ ଚିନ୍ତା କରିବାକୁ ପଡ଼ିବ ନାହିଁ। କାରଣ ଗୁଗଲ ଆଣିଛି ଫୋନ୍ ଠିକ୍ କରିବାର ନୂଆ ଉପାୟ । ଫୋନ୍ ଠିକ୍ କରିବାର ପ୍ରୋଗ୍ରାମ ଅଧୀନରେ ଗ୍ରାହକମାନେ ସେମାନଙ୍କର ଫୋନ୍ ନିଜେ ଠିକ୍ କରିପାରିବେ। ଆବଶ୍ୟକତା ଅନୁଯାୟୀ, ଉପଭୋକ୍ତାମାନେ ଗୁଗୁଲର ଷ୍ଟୋରରୁ ଫୋନର କିଛି ଅଂଶ କିଣିବାକୁ ସକ୍ଷମ ହେବେ।
ତେବେ ଏହି ପ୍ରୋଗ୍ରାମ ହେଉଛି ଗୁଗଲ୍ ସେଲ୍ ରିପେୟାର୍ ପ୍ରୋଗ୍ରାମ୍। ଆପଲ୍ ଏବଂ ସାମସଙ୍ଗ ପରେ, ଗୁଗୁଲ ଏହାର ପିକ୍ସେଲ ଫୋନ୍ ପାଇଁ ଏକ ସ୍ୱ-ମରାମତି ବା ସେଲଫ୍ ରିପେୟାର୍ କାର୍ଯ୍ୟକ୍ରମ ମଧ୍ୟ ଆରମ୍ଭ କରିଛି। ଗୁଗୁଲ୍ ପିକ୍ସେଲ ବ୍ୟବହାରକାରୀମାନେ ବର୍ତ୍ତମାନ ନିଜ ଫୋନ୍ ମରାମତି କରି ପାରିବେ। ଗୁଗୁଲ୍ ଏଥିପାଇଁ iFixit, ଏକ ଅନଲାଇନ୍ ରିପେୟାର କମ୍ୟୁନିଟି ସହିତ ସହଭାଗୀ ହୋଇଛି । ସେଲ୍ଫ ରିପେୟାର୍ ପ୍ରୋଗ୍ରାମ ଅଧୀନରେ ଗ୍ରାହକମାନଙ୍କୁ ସେମାନଙ୍କର ଫୋନ୍ ମରାମତି କରିବା ପାଇଁ ଏକ ପର୍ଯ୍ୟାୟ ପ୍ରକ୍ରିୟା ଦିଆଯିବ। ପିକ୍ସେଲ 2 ରୁ ପିକ୍ସେଲ 6 ପ୍ରୋ ପର୍ଯ୍ୟନ୍ତ ଅଂଶଗୁଡିକ ifixit.com ରୁ କିଣି ପାରିବେ। ଗ୍ରାହକମାନେ ବ୍ୟାଟେରୀ, କ୍ୟାମେରା, ଡିସ୍ପ୍ଲେ ଇତ୍ୟାଦି ସହିତ iFixit ଫିକ୍ସ କିଟ୍ କିଣିବାକୁ ସକ୍ଷମ ହେବେ। ଏହି କିଟ୍ ରେ, ସ୍କ୍ରୁ-ଡ୍ରାଇଭର ଇତ୍ୟାଦି ଉପକରଣଗୁଡ଼ିକ ଉପଲବ୍ଧ ହେବ।
ଗୁଗୁଲର ସ୍ୱ-ମରାମତି ବା ସେଲ୍ଫ ରିପେୟାର ପ୍ରୋଗ୍ରାମ ଚଳିତ ବର୍ଷ ଶେଷ ସୁଦ୍ଧା ଆମେରିକା, ୟୁକେ, କାନାଡା, ଅଷ୍ଟ୍ରେଲିଆ ଏବଂ ୟୁରୋପୀୟ ୟୁନିଅନରେ ଆରମ୍ଭ ହେବ। ତେବେ ଏହା ଭାରତରେ ମଧ୍ୟ ଖୁବ୍ ଶୀଘ୍ର ଲଞ୍ଚ ହେବ। ଗୁଗୁଲରେ ଏହାର ସେଲ୍ଫ ରିପେୟାର ପ୍ରୋଗ୍ରାମ ବିଷୟରେ ଗୁଗୁଲ ସୂଚନା ଦେଇଛି। ଗୁଗୁଲର ସର୍ଭିସ୍ ସେଣ୍ଟରରେ ଫୋନ୍ ମରାମତି ମଧ୍ୟ ଜାରି ରହିବ। IFixit ପୂର୍ବରୁ, ଆପଲ୍ ଏହାର କ୍ରୋମବୁକ୍ ପାଇଁ ସ୍ୱ-ମରାମତି ପ୍ରୋଗ୍ରାମ ପାଇଁ Acer ଏବଂ Lenovo ପରି କମ୍ପାନୀଗୁଡିକ ସହିତ ସହଭାଗୀ ହୋଇଛି।
ଏହି ସପ୍ତାହ ପୂର୍ବରୁ ସାମସଙ୍ଗ ଏକ ସେଲ୍ଫ ରିପେୟାର ପ୍ରୋଗ୍ରାମ କାର୍ଯ୍ୟକ୍ରମ ଆରମ୍ଭ କରିଛି। ଏହି ପ୍ରୋଗ୍ରାମ୍ ଅଧୀନରେ, ଉପଭୋକ୍ତାମାନେ ସେମାନଙ୍କର ଗାଲାକ୍ସି ସ୍ମାର୍ଟଫୋନଗୁଡ଼ିକୁ ଘରେ ମରାମତି କରି ପାରିବେ। ସାମସଙ୍ଗ ମଧ୍ୟ iFixit ସହିତ ସହଭାଗୀ ହୋଇଛି। ସାମସଙ୍ଗର ସେଲ୍ଫ ରିପେୟାର ପ୍ରୋଗ୍ରାମ ବର୍ତ୍ତମାନ କେବଳ ଆମେରିକାରେ ଆରମ୍ଭ ହୋଇଛି। ଆପଲ। ପାଖରେ ମଧ୍ୟ ସେଲ୍ଫ ରିପେୟାରିଂ ପ୍ରୋଗ୍ରାମ ରହିଛି।
