ମୋବାଇଲ ଫୋନ୍ ଚୋରି ହୋଇଗଲେ ଏପରି ଡିଆକ୍ଟିଭ୍ କରନ୍ତୁ UPI ଆକାଉଣ୍ଟ, ଜାଣନ୍ତୁ ଟିପ୍ସ
ଯଦି ଜଣେ ବ୍ୟକ୍ତିଙ୍କ ମୋବାଇଲ୍ ଫୋନ୍ ହଜିଯାଏ, ତେବେ ତାଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିପାରେ । ତେବେ ମୋବାଇଲ ହଜିଗଲେ ବା ଚୋରି ହୋଇଗଲେ ଆପଣ କିଭଳି ୟୁପିଆଇକୁ ନିଷ୍କ୍ରିୟ କରିପାରିବେ ସେ ବାବଦରେ ଆଜି ଆମେ ଆପଣଙ୍କୁ କହିବୁ ।
ଆଜିର ସମୟରେ ମୋବାଇଲ୍ ଫୋନ୍ ବହୁତ ଗୁରୁତ୍ୱପୂର୍ଣ୍ଣ ହୋଇଗଲାଣି । ଏବେ ଏହା ବିନା ଯେମିତି ଆମର ଦୈନ୍ୟନ୍ଦିନ କାମ କରିବା ମୁସକିଲ ହୋଇଯାଏ । କଥା ହେବା ସହ, ମନୋରଞ୍ଜନ ଓ ଅନ୍ୟକୁ ଟଙ୍କା ପଠାଇବା ଭଳି କିଛି ଗୁରୁତ୍ୱପୂର୍ଣ୍ଣ କାର୍ଯ୍ୟ ମୋବାଇଲ ଦ୍ୱାରା ହିଁ ସମ୍ଭବ ହୋଇପାରୁଛି । ତେବେ ଆଜିକାଲି UPI ବା ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ ଆମ ସମସ୍ତ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ହୋଇପଡିଛି । UPI ମାଧ୍ୟମରେ, ଘରେ ବସି ଲୋକମାନେ କେବଳ ମୋବାଇଲ୍ ନମ୍ବର ମାଧ୍ୟମରେ ଗୋଟିଏ ଆକାଉଣ୍ଟରୁ ଅନ୍ୟ ଆକାଉଣ୍ଟକୁ ଟଙ୍କା ଟ୍ରାନ୍ସଫର କରିପାରୁଛନ୍ତି । ଭାରତର UPI ଏବଂ ସିଙ୍ଗାପୁରର ପେନାଉ ର ଲିଙ୍କ୍ ପରେ, ଲୋକମାନେ କେବଳ ମୋବାଇଲ୍ ନମ୍ବର ମାଧ୍ୟମରେ ଭାରତରୁ ସିଙ୍ଗାପୁରକୁ ଟଙ୍କା କାରବାର କରିପାରିବେ । ଏମିତିରେ ଯଦି ଜଣେ ବ୍ୟକ୍ତିଙ୍କ ମୋବାଇଲ୍ ଫୋନ୍ ହଜିଯାଏ, ତେବେ ତାଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିପାରେ । ତେବେ ମୋବାଇଲ ହଜିଗଲେ ବା ଚୋରି ହୋଇଗଲେ ଆପଣ କିଭଳି ୟୁପିଆଇକୁ ନିଷ୍କ୍ରିୟ କରିପାରିବେ ସେ ବାବଦରେ ଆଜି ଆମେ ଆପଣଙ୍କୁ କହିବୁ ।
୧. ଯଦି ଆପଣ ଆପଣଙ୍କର ବ୍ୟାଙ୍କ ଆକାଉଣ୍ଟରେ ୟୁପିଆଇକୁ ନିଷ୍କ୍ରିୟ କରିବାକୁ ଚାହାଁନ୍ତି, ତେବେ ସର୍ବପ୍ରଥମେ ଏହା ମନେ ରଖିବା ଅତ୍ୟନ୍ତ ଜରୁରୀ ଯେ ଆପଣ ଆପଣଙ୍କର UPI ପିନ କାହା ସହିତ ସେୟାର କରିବା ଉଚିତ୍ ନୁହେଁ ।
୨. UPI ପେମେଣ୍ଟକୁ ନିଷ୍କ୍ରିୟ କରିବାକୁ, ସର୍ବପ୍ରଥମେ, ଆପଣଙ୍କର ମୋବାଇଲ୍ ସେବା ପ୍ରଦାନକାରୀଙ୍କୁ କଲ୍ କରନ୍ତୁ ଏବଂ ଆପଣଙ୍କର ସିମ୍ ବ୍ଲକ କରନ୍ତୁ । ଏହି କାରଣରୁ, ମୋବାଇଲ୍ ବ୍ୟାଙ୍କିଙ୍ଗ୍ ସହିତ ଜଡିତ କୌଣସି ମେସେଜ କିମ୍ବା ଓଟିପି ଆସିବ ନାହିଁ ।
୩. ଏହା ପରେ, ଆପଣଙ୍କର ବ୍ୟାଙ୍କ ଆକାଉଣ୍ଟରୁ ୟୁପିଆଇକୁ ବ୍ଲକ କରିବା ପାଇଁ, ତୁମେ ତୁରନ୍ତ UPI ଆପ ଯେପରିକି ପେଟିଏମ୍, ଗୁଗୁଲ୍ ପେ, ଫୋନ୍ ପେ, ଆମାଜନ ପେକୁ କଲ କରି ୟୁପିଆଇ ସର୍ଭିସ ବନ୍ଦ ପାଇଁ ଅନୁରୋଧ କରନ୍ତୁ ।
୪. ଏହା ସହିତ, ବ୍ୟାଙ୍କର କଷ୍ଟ୍ୟୁମର କେୟାରକୁ ଫୋନ କରି ତୁରନ୍ତ ନେଟ୍ ବ୍ୟାଙ୍କିଙ୍ଗ୍ ଏବଂ ମୋବାଇଲ୍ ବ୍ୟାଙ୍କିଙ୍ଗ୍ ବନ୍ଦ କରନ୍ତୁ ।
