ସ୍ମାର୍ଟଫୋନରେ ଅନେକ ଥର ଆମ ଫଟୋ ଏବଂ ଭିଡିଓ ଡିଲିଟ୍ ହୋଇଯାଏ । ବେଳେବେଳେ ଜରୁରୀ ଡକ୍ୟୁମେଣ୍ଟ୍ ମଧ୍ୟ ଡିଲିଟ୍ ହୋଇଯାଏ । ଏପରିସ୍ଥିତିରେ ଆମେ କଣ କରିବୁ କଣ ନାହିଁ ଜାଣି ପାରି ନଥାଉ । କିପରି ଫଟୋ ଓ ଡକ୍ୟୁମେଣ୍ଟ ରିଷ୍ଟୋର ହୋଇପାରିବ ସେଥିପାଇଁ ଚିନ୍ତା ବି କରୁ । ଯଦି ଆପଣ ମଧ୍ୟ ଏପରି ଭୁଲ କରିଛନ୍ତି ଏବଂ ଅସୁବିଧାରେ ଅଛନ୍ତି ତେବେ ବର୍ତ୍ତମାନ ଆପଣଙ୍କୁ ଟେନସନ ନେବା ଆବଶ୍ୟକ ନାହିଁ । ଯଦି ଆପଣ ହଠାତ୍ ଆପଣଙ୍କ ଫୋନରୁ ଫଟୋ କିମ୍ବା ଭିଡିଓ ଡିଲିଟ୍ କରୁଛନ୍ତି, ତେବେ ଆପଣ ଏହାକୁ ନିଜ ଫୋନକୁ ଫେରାଇ ଆଣିପାରିବେ । ଡିଲିଟ୍ ହୋଇଥିବା ଫଟୋ କିମ୍ବା ଭିଡିଓ ରିଷ୍ଟୋର ପାଇଁ ଆପଣଙ୍କୁ ୨ ଟି ସହଜ ଉପାୟ ଜଣାଇବା ।
ଗୁଗଲ୍ ଫଟୋ ଟ୍ରାସ୍ ଏବଂ ଗ୍ୟାଲେରୀ ଆପ୍ ଟ୍ରାସ୍ କୁ ଯାଇ ଆପଣ ସ୍ମାର୍ଟଫୋନରେ ଡିଲିଟ୍ ହୋଇଥିବା ଫଟୋ କିମ୍ବା ଭିଡିଓଗୁଡ଼ିକୁ ସହଜରେ ରିଷ୍ଟୋର କରିପାରିବେ । ଏଥିପାଇଁ ଆପଣଙ୍କୁ କେବଳ କିଛି ଷ୍ଟେପକୁ ଫୋଲୋ କରିବାକୁ ପଡିବ ।
ଯଦି ଆପଣ ଏକ ଆଣ୍ଡ୍ରଏଡ୍ ସ୍ମାର୍ଟଫୋନ୍ ବ୍ୟବହାର କରୁଛନ୍ତି, ତେବେ ଆପଣଙ୍କ ଫଟୋ କିମ୍ବା ଭିଡିଓ ଡିଲିଟ୍ ହେଲେ ଆପଣ ପ୍ରଥମେ ଗ୍ୟାଲେରୀକୁ ଯିବେ । ଏହା ପରେ ଆପଣଙ୍କୁ ନିକଟରେ ଡିଲିଟ୍ ହୋଇଥିବା ଫୋଲ୍ଡରର ଅପ୍ସନ୍ କୁ ଯିବାକୁ ପଡିବ । ଏଠାରେ ଆପଣ ଉକ୍ତ ଫଟୋ କିମ୍ବା ଭିଡିଓକୁ ପାଇପାରିବେ । ଏଠାରୁ ଆପଣ ଗୋଟିଏ କ୍ଲିକରେ ଫଟୋ କିମ୍ବା ଭିଡିଓକୁ ରିଷ୍ଟୋର କରିପାରିବେ । ଆପଣଙ୍କୁ ମନେ ରଖିବାକୁ ହେବ ଯେ ଫଟୋ କିମ୍ବା ଭିଡିଓଗୁଡିକ ଏହି ଫୋଲ୍ଡରରେ କେବଳ ୩୦ ଦିନ ପାଇଁ ଷ୍ଟୋର ହୋଇ ରୁହେ । ଯଦି ଆପଣଙ୍କ ଫଟୋ ଡିଲିଟ ହେବାର ୩୦ ଦିନରୁ ଅଧିକ ସମୟ ହୋଇଥିବ ତେବେ ଆପଣ ଏହାକୁ ଆଉ ରିଷ୍ଟୋର କରିପାରିବେ ନାହିଁ ।
ଫଟୋ ଏବଂ ଭିଡିଓ ରିଷ୍ଟୋର ପାଇଁ ଅନ୍ୟ ଏକ ଉପାୟ ହେଉଛି ଗୁଗଲ୍ ଫଟୋ ଟ୍ରାସ୍ । ଏଥିପାଇଁ ଆପଣଙ୍କୁ ପ୍ରଥମେ ଗୁଗଲ୍ ଫଟୋ ଆପ୍ କୁ ଯିବାକୁ ପଡିବ । ଏହା ପରେ ଆପଣଙ୍କୁ ଆପର ଗ୍ୟାଲେରୀ ଅପ୍ସନକୁ ଯିବାକୁ ପଡିବ । ଗ୍ୟାଲେରୀର ଦ୍ୱିତୀୟ ଅପ୍ସନରେ ଆପଣ ଟ୍ରାସ୍ ସେକ୍ସନ ପାଇବେ । ଏହି ସେକ୍ସନରେ ଆପଣ ଡିଲିଟ୍ ହୋଇଥିବା ଫଟୋ ପାଇବେ । ଗୁଗଲ୍ ଟ୍ରାସ୍ ସେକ୍ସନ ବିଷୟରେ ସବୁଠାରୁ ଖାସ୍ କଥା ହେଉଛି ଡିଲିଟ୍ ହୋଇଥିବା ଫଟୋଗୁଡ଼ିକ ଏଥିରେ ୬୦ ଦିନ ଷ୍ଟୋର ହୋଇ ରହିଥାଏ ।