ଇନୋଭେଟିଭ ତଥା ପୋର୍ଟେବଲ ଡ଼ିଜିଟାଲ ଉତ୍ପାଦ ନିର୍ମାଣ କରୁଥିବା ଦେଶର ଅନ୍ୟତମ ଅଗ୍ରଣୀ କମ୍ପାନୀ ଇନବେସ ଭାରତରେ ନିଜ ନୂଆ ପ୍ରଡକ୍ଟ Ether ଚାର୍ଜର ଲଂଚ କରିଛି । କମ୍ପାନୀ ତରଫରୁ ଏହି ଚାର୍ଜର ନାଁ “ସର୍ଜରୀ ଅଫ ଫାଷ୍ଟ ଚାର୍ଜର” ରଖାଯାଇଛି । ଦୁଇଟି ସିରିଜରେ ଏହାକୁ ଲଂଚ କରାଯାଇଥିବା ବେଳେ ଏହାର ନାଁ Ether 144 ଓ Ether 244 ରଖାଯାଇଛି । କହିରଖୁଛୁକି, Ether 144 ହେଉଛି ଏକ 20W ପାୱାର ଡେଲିଭରି ଟାଇପ ସି ପୋର୍ଟ ଫାଷ୍ଟ ଚାର୍ଜର । ଯାହାକି ଅନ୍ୟ ପାରମ୍ପରିକ ଚାର୍ଜର ତୁଳନାରେ ୪ ଗୁଣା ସ୍ପୀଡରେ ଚାର୍ଜ କରିପାରିବାର କ୍ଷମତା ରଖିଛି । ଆଉ ମଧ୍ୟ ଉଭୟ ଆଣ୍ଡ୍ରଏଡ଼ ଓ ଆଇଫୋନ ଉଭୟକୁ ଏହା ଚାର୍ଜ କରିଥାଏ ।
ଅନ୍ୟ ପକ୍ଷରେ, Ether 244 18W ହେଉଛି ଏକ ଡେଲିଭରି ଫାଷ୍ଟ ଚାର୍ଜର । ଯାହାକି ଉଭୟ ଆଣ୍ଡ୍ରଏଡ଼ ଓ ଆଇଫୋନକୁ ସହଜରେ ଚାର୍ଜ କରିପାରିବା ନେଇ କମ୍ପାନୀ ପକ୍ଷରୁ ଦୃଢ଼ୋକ୍ତି ପ୍ରକାଶ ପାଇଛି । କମ୍ପାନୀ ପକ୍ଷରୁ ଦିଆଯାଇଥିବା ସୂଚନା ମୁତାବକ ଏହି ଦୁଇ ଚାର୍ଜର ଓଭରହିଟିଂଗ, ଓଭର ଚାରଜିଙ୍ଗ ଓ ସର୍ଟ ସର୍କିଟକୁ ପ୍ରତିରୋଧ କରିପାରିବ । ଫୋନ ବ୍ୟତୀତ ଟ୍ୟାବଲେଟ, ପାୱାରବ୍ୟାଙ୍କ, ସ୍ପିକର ସମେତ ହେଡ଼ଫୋନ ଚାରଜିଙ୍ଗରେ ବି ଏହା ଉପଯୋଗୀ ହୋଇପାରିବ ।
Ether 144 ସ୍ପେସିଫିକେସନ:
– 20W ପାୱାର ଡେଲିଭରି
– ଟାଇପ ସି ପୋର୍ଟ
– 4 ଟାଇମ୍ସ ଫାଷ୍ଟର ରେଟ ଚାରଜିଙ୍ଗ
– ଇନ ବିଲଟ ସ୍ମାର୍ଟ ଚିପରେ ପ୍ରସ୍ତୁତ
Ether 244 ସ୍ପେସିଫିକେସନ:
– 18W ଫାଷ୍ଟ ଚାର୍ଜର ଓ ପାୱାର ଡେଲିଭରି
– ଟାଇପ ସି ପୋର୍ଟ ଓ ୟୁଏସବି ପୋର୍ଟ
– କ୍ୱିକ ଚାର୍ଜର 3.0
– କମ୍ପାକ୍ଟ ବିଲଡ଼
ଏହି ଦୁଇ ଚାର୍ଜର ଯଥାକ୍ରମେ ୧୨୯୯ ଟଙ୍କା ଓ ୯୯୯ ଟଙ୍କା ମୂଲ୍ୟରେ ବଜାରରେ ହ୍ୱାଇଟ କଲରରେ ବଜାରର ରିଟେଲ ସପରେ ଉପଲବ୍ଧ ହେବ ।