ଯେତେବେଳେ ବି ଆମ ପାଖକୁ ଏକ ଅଜଣା ନମ୍ବରରୁ କଲ୍ ଆସେ ଆମେ ସେହି ଲୋକର ପରିଚୟ ଜାଣିବା ପାଇଁ ବହୁତ ଆଗ୍ରହୀ ଥାଏ । ସେଥିପାଇଁ ଆଜିକାଲି ଅଧିକରୁ ଅଧିକ ଲୋକ ଟ୍ରୁକଲର୍ ଆପ୍ ବ୍ୟବହାର କରୁଛନ୍ତି । ଅଜଣା ନମ୍ବରରୁ କଲ୍ ଆସିବା ସମୟରେ କାହାର ପରିଚୟ ଜାଣିବା ପାଇଁ ଟ୍ରୁକଲର୍ ଆପକୁ ସବୁଠାରୁ ବେଷ୍ଟ ଅପ୍ସନ୍ ବୋଲି ବିବେଚନା କରାଯାଏ । ତଥାପି, ଆପରେ ଥିବା ଫିଚର୍ସଗୁଡିକ ଆଣ୍ଡ୍ରଏଡ୍ ୟୁଜର୍ସ ଏବଂ iOS ୟୁଜର୍ସଙ୍କ ପାଇଁ ଅଲଗା ହୋଇଥାଏ ।
ଟ୍ରୁକଲରର ସବୁଠାରୁ ଗୁରୁତ୍ୱପୂର୍ଣ୍ଣ ଫିଚର୍ ଲାଇଭ୍ କଲର୍ ID ବୋଲି କୁହାଯାଏ । ବର୍ତ୍ତମାନ ପର୍ଯ୍ୟନ୍ତ ଏହି ଫିଚର୍ ଆଇଫୋନରେ ଉପଲବ୍ଧ ନଥିଲା, କିନ୍ତୁ କମ୍ପାନୀ ବୁଧବାର ଦିନ ଘୋଷଣା କରିଛି ଯେ ବର୍ତ୍ତମାନ iOS ୟୁଜର୍ସମାନେ ମଧ୍ୟ ଏହି ଫିଚର୍ସ ବ୍ୟବହାର କରିପାରିବେ । ଟ୍ରୁକଲର୍ ସିଇଓ ଏଲାନ୍ ମାମେଦି ସେପ୍ଟେମ୍ବର 2024ରେ ଆଇଓଏସ୍ ୟୁଜର୍ସଙ୍କ ପାଇଁ ଲାଇଭ୍ କଲର୍ ID ଫିଚର୍ ଘୋଷଣା କରିଥିଲେ । ତେବେ ବର୍ତ୍ତମାନ ଆଇଓଏସ୍ ୟୁଜର୍ସମାନେ ଟ୍ରୁକଲରରେ ଏକ ନମ୍ବର ସର୍ଚ୍ଚ କରିଲେ ଏହା ବିଷୟରେ ଅତି ସହଜରେ ସବୁକିଛି ଡାଟା ଜାଣିପାରିବେ ।
କିନ୍ତୁ ଗୋଟିଏ ଜିନିଷ ଯାହା ୟୁଜର୍ସଙ୍କୁ ସବୁବେଳେ ଚିନ୍ତାରେ ପକାଉଥିଲା ତାହା ହେଉଛି ଯେପରି ଆଣ୍ଡ୍ରଏଡରେ ଲାଇନ୍ କଲର୍ ID ଉପଲବ୍ଧ ଅଛି ସେହିଭଳି ଏହି ଫିଚର୍ ଆଇଓଏସରେ ମଧ୍ୟ ରହିବା ଉଚିତ । ତେବେ ବର୍ତ୍ତମାନ ଆଇଓଏସ୍ ୟୁଜର୍ସଙ୍କ ଏହି ମନୋସ୍କାମନା ପୁରାଣ ହେବାକୁ ଯାଉଛି । କାରଣ ଏବେ ଆପଲ୍ ନିଜର କଲର୍ ID ଲୁକଅପ୍ ଫିଚର୍ ଲଞ୍ଚ କରିଛି । କୌଣସି ଅଜଣା ନମ୍ବରରୁ କଲ୍ ଆସିଲେ ଏହି ଫିଚର୍ ଅଟୋମେଟିକ୍ ଭାବରେ ସଜେଷ୍ଟ କରେ ଆପଣଙ୍କୁ କିଏ କଲ୍ କରୁଛି ।
ଆପଲ୍ ର କଲର୍ ଆଇଡି ଲୁକ୍ଅପ୍ ଫିଚର୍ ମେସେଜ ଏବଂ ମେଲରୁ ଡାଟା ବ୍ୟବହାର କରି କଲର୍ ସଜେସନ୍ ପ୍ରଦାନ କରେ । କିନ୍ତୁ ଯେହେତୁ ଟ୍ରୁକଲରର ଫୋନ୍ ନମ୍ବର ଏବଂ IDର ଏକ ବଡ଼ ଡାଟାବେସ୍ ଅଛି । ସେଥିପାଇଁ ଯଦି ଆପଣ ଟ୍ରୁକଲର୍ ବ୍ୟବହାର କରନ୍ତି ତେବେ ଆପଣ ଅଧିକ ସଠିକ୍ କଲର୍ IDର ସଜେସନ୍ ପାଇପାରିବେ । ଏହା ସହିତ, ଆଇଫୋନ୍ ୟୁଜର୍ସମାନେ ମଧ୍ୟ ସ୍ପାମ୍ କଲକୁ ଅଟୋମେଟିକାଲି ବ୍ଲକ୍ କରିବାର ଫିଚରର ଲାଭ ଉଠାଇପାରିବେ ।
ଏହା ବ୍ୟତୀତ, iOS ରେ ଟ୍ରୁକଲର୍ ବର୍ତ୍ତମାନ ୟୁଜର୍ସମାନଙ୍କୁ ପୂର୍ବରୁ ଆଇଡିଣ୍ଟିଫାଏ ହୋଇଥିବା କଲ୍ ସର୍ଚ୍ଚ କରିବାକୁ ଅନୁମତି ଦେଇଥାଏ । ତେବେ ଏହି ନମ୍ବର ସର୍ଚ୍ଚ ଏବଂ କଲର୍ ID ଫିଚର୍ ଟ୍ରୁକଲର୍ ପ୍ରିମିୟମ୍ ୟୁଜର୍ସଙ୍କ ପାଇଁ ଉପଲବ୍ଧ ହେବ । ଯଦି ଆପଣ iOS ରେ ଏକ ଫ୍ରି ୟୁଜର୍, ତେବେ ଆପଣ ମଧ୍ୟ ଏହି ଫିଚର୍ ବ୍ୟବହାର କରିପାରିବେ । ତେବେ ଏହି ଫିଚର୍ ବ୍ୟବହାର କରିବା ପାଇଁ ଗୋଟିଏ ଜିନିଷ ମନେରଖନ୍ତୁ ଯେ ଆପଣଙ୍କର iphone 18.2 କୁ ଅପଡେଟ୍ ହୋଇଥିବା ଆବଶ୍ୟକ ।
ଏହା ବ୍ୟତୀତ, ଟ୍ରୁକଲର୍ ଆପ୍ 14.0 କୁ ଅପଡେଟ୍ ହେବା ଉଚିତ । ଫିଚର୍ ଆକ୍ସେସ୍ କରିବାକୁ ଆଇଫୋନ୍ ସେଟିଂକୁ ଯାଆନ୍ତୁ । ଏହାପରେ ଆପ୍ସକୁ ଯାଆନ୍ତୁ । ଏହା ପରେ କଲ୍ ବ୍ଲକ୍ ଏବଂ ଆଇଡିଣ୍ଟିଫିକେସନକୁ ଯାଆନ୍ତୁ । ଏଠାରେ ସମସ୍ତ ଟ୍ରୁକଲର୍ ସୁଇଚ୍ ଇନେବଲ୍ କରନ୍ତୁ ।